.jpg)
جاری ییلده قندهاردن 12 مینگ تُن انار هند و پاکستان‌گه صادر بولگن. قندهارنینگ اناری اوتگن ییللرده عرب امیرلیگی، روسیه و جاپان‌گه یوباریلردی، بیراق جاری ییل مذکور میوه‌نینگ بازاری هند و پاکستان بازارلریده یخشی بولگن لیگی ایتیله‌دی.
ولایت تجارت اتاقی‌نینگ مسوولی نصرالله زهیر، دنیا بازاری قنچه‌لیک انار میوه‌سی ایستگن حالده، بیز شونچه‌لیک انار ییتیشتیریشیمیز ممکن دیگن سلام‌وطندارگه بیرگن صحبتده. شرایط همده دنیا بازاری انارگه احتیاجی کوپراق بولگن تقدیرده، بو رقم دن کوره کوپراق انار دنیا بازارلریگه صادر قیله آله‌میز دیگن ولایت تجارت اتاقی نینگ مسوولی جناب زهیری.
جناب زهیر، فقط جاری ییلده قندهار 40 مینگ تُن انار صادر قیلیش قابلیتی‌گه ایگه بولگن، لیکن اوشبو رقم دن هنوزگچه فقط 12 مینگ تُن انار خارج گه صادر بولگن دیدی.
.jpg)
قندهار تجارت اتاقی نینگ باشلیغی، ولایت نینگ اناری صفتی تیللرده داستان دیدی. او، تجارلر قیین چیلیگی حل بولمه‌گن حالده، انار سوداسی دنیا بازارلریده معمالر بیلن روپه ره بولیشی ممکن لیگینی ایته‌دی.
ایرم قیین چیلیکلر بیلن دوچار بولیب تورگن قندهارلیک باغبانلر، پاکستان‌گه بولگن صادراتلر اونچه‌لیک فایده قیلمس‌لیگیدن نالیدیلر. اولرنینگ سوزلریگه کوره، محصولاتلری اوتگن ییللرده عرب امرلیگی، روسیه و جاپان‌گه صادر قیلینیشی بیلن یخشی درآمد قولگه کیریتردیلر، لیکن بو ییل ایسه اوشبو مملکتلرده انار بازاری کوتیلگن درجه ده یخشی بولمه‌گن.
قولگه کیریته دیگن محصولاتلردن راضیلیک بیلدیرگن دهقانلر انارنی ساتیش اوچون مناسب بازار بولمه‌گن حالده، محنتلری یوق بولیشی‌دن قورقه دیلر. قندهارلیک دهقانلر حکومتدن انار بازاری یخشی له‌نیشی اوچون دنیا بازارلریده شرایط مهیا قیلینیشی‌نی سوره‌گنلر.
قندهار نینگ انار منطقه ده خاص شهرتگه ایگه، اونینگ صفتی ایل آغزیده داستان.
