.jpg)
دند تومنی اهالیسی‌نینگ ایتیشیچه، ساغلیق‌نی سقلش مرکزلر کم‌لیگی باعث، کوپینچه قیین‌چیلیک‌که روپه‌ره بولیب تورگن‌لر.
اوشبو تومن اهالیسی، بو تومن‌ده جهازلنگن ساغلیق‌نی سقلش مرکزلر ایجاد ایتیلیشی‌نی طلب قیله‌دیلر.
دند تومنی اهالیسی‌نینگ قیین‌چیلیگی‌نی تصدیق‌لگن قندهارنینگ ساغلیق‌نی سقلش ریاستی مسؤوللری، بو قیین‌چیلیک حل ایتیلیشی توغریسیده سعی و حرکت دوام ایته‌یاتگنینی بیلدیرگن‌لر.
قندهارنینگ دند تومنی اهالیسی‌گه کوره، مذکور تومن‌ده ساغلیق‌نی سقلش نیچه مرکز موجود؛ بیراق بو مرکزلر ییترلی بولمه‌گنی سبب، اولر کسل‌لرینی قندهار شهریده‌گی میرویس کسلخانه‌سیگه آلیب باره‌دیلر.
تومن اهالیسی‌گه کوره، قندهارنینگ میرویس کسلخانه‌سیده، اولرنینگ کسل‌لریگه یخشی قره‌لمه‌یدی.
دندتومنی اهالیسی جمیل احمدنینگ ایتیشیچه، مذکور تومن‌نینگ امنیتی تأمین دیر، بیراق دولت اولرنینگ تیریکچیلیگی توغریسیده دقت قیلمه‌یدی. اونگه کوره، دند تومنی‌ده جهازلنگن بیر مرکز ایجاد ایتیلیشی کیره‌ک.
.jpg)
اوشبو تومن اهالیسی‌نینگ قیین‌چیلیک‌لرینی تصدیق‌لگن قندهار ساغلیق‌نی سقلش ریاستی اورین باسری موسی‌جان سلطانی‌نینگ ایتیشیچه، بوتون قندهارده 88 ساغلیق‌نی سقلش مرکز موجود و بو جمله‌دن 6 ته‌سی دند تومنی‌ده فعالیت قیله‌دی.
جناب سلطانی‌نینگ ایتیشیچه، مذکور تومن‌ده تیزلیک‌ده جهازلنگن بیر ساغلیق‌نی سقلش مرکز ایجاد ایتیلیشی‌گه قرار قیلینگن.
قندهارنینگ ساغلیق‌نی سقلش ریاستی اورین باسری‌گه کوره، ساغلیق‌نی سقلش مرکزلر کم‌لیگی خصوصیده‌گی قیین‌چیلیک ساغلیق‌نی سقلش وزیرلیگی بیلن شریک قیلینگن و بو وزیرلیک مسؤوللری، قندهار ولایتی‌ده ساغلیق‌نی سقلش مرکزلر سانی کوپه‌یتیریلیشی خصوصیده سوز بیرگن.
