قندهار ولایتیده مخدره ماده‌گه قرشی کوره‌ش ریاست مسؤوللری‌نینگ ایتیشیچه، جاری ییل بو ولایتده کوکنار ایکینی 50% کمه‌یگن.
قندهار ولایتیده مخدره ماده‌گه قرشی کوره‌ش ریاست باشلیغی گل‌محمد شکران‌نینگ ایتیشیچه، اوتگن ییل 35 مینگ جریب ییرگه کوکنار ایکیلگن ایکن و بو ییل اوشبو رقم 18 مینگ جریب ییرگه ییتیشگن.
اونگه کوره، بو کمه‌ییش‌گه عصری پسته و اوزوم باغلری ایجاد ایتیلیش بولیمی‌ده ایم‌سی مؤسسه‌سی‌نینگ همکارلیگی سبب بولگن.
اونگه کوره، مذکور مؤسسه ایکینچی‌لرگه اصلاح ایتیلگن تُخم‌لر ترقه‌تیلیشی و ایکینچی‌لرنینگ محصولاتی اوچون اولرگه بازار تاپیش بولیمی‌ده همکارلیک قیلگن صورتده، کوکنار ایکینی کمه‌ییشی ممکن.
قندهار ایکینچی‌لریدن بیرقطاری‌نینگ ایتیشیچه، قشاقلیک و اقتصادی قیین‌چیلیک باعث، کوکنار ایکینی گه قول اوره‌دیلر.
اولرنینگ کوپه‌یتیریشیچه، حکومت کوکنار بدیلی اوچون اولرگه سوز بیرگن؛ بیراق حکومت‌نینگ بو سوزی حاضرگچه عمل‌گه آشیریلمه‌گن.
میوند و شاه‌ولی‌کوت تومن‌لری‌نینگ ایکینچی‌لریدن محمداکرم و شریف‌الله نینگ ایتیشیچه، باشقه بولیم‌لرده اولر ایش بیلن تأمین‌لنگن صورتده، باشقه کوکنار ایکمه‌یدیلر.
قندهار یشاوچیلریدن 100 مینگ‌دن آرتیق کیشی مخدره ماده گه چالینگن و بو جمله‌دن 10 مینگ ته‌سینی عیاللر تشکیل بیره‌دی.
رسمی‌لرنینگ ایتیشیچه، بنگی‌وار ماده‌گه چالینگن بنگی‌لر کونده مخدره ماده اوچون بیر دالر صرف قیلگن صورتده، یالغیز قندهارده کونده‌لیک خرجت 100 مینگ دالر و آیی‌ده 3 میلیون دالرگه ییتیشه‌دی.
