افغانستان جمهورلیک ریاستی بیر بیانات ترقه‌تیب ایتیشیچه، قندهار اهالیسی‌نینگ ایستگی و سیلاولر ایرکین کمیسیونی‌نینگ تکلیفی اساسیده، قندهارده پارلمانی سیلاوی زمانی بیر هفته کیین‌گه توشگن.
اوشبو قرار بوگون«جمعه» محمداشرف غنی ریاستی‌ده یولگه قوییلگن مملکت ملی خوفسیزلیک کینگشی‌نینگ اختصاصی بیر ییغینی‌ده آلینگن.
جمهورلیک ریاستی‌نینگ بیاناتی‌گه کیلیشیچه، نماینده‌لر کینگشی‌نینگ سیلاوی اوتگن کونده‌گی هجوم و قندهار پولیس قومندانی جنرال عبدالرازق اچکزی هلاک ایتیلگنی باعث کیین‌گه توشگن و اونینگ قیته‌دن یولگه قوییلیش زمانی، سیلاولر ایرکین کمیسیونی تامانیدن اعلام ایتیلیشی ممکن.
افغانستان پارلمانی سیلاوی ایرته یولگه قوییله‌دی.
اوتگن کون«پنج‌شنبه» قندهار ولایت بناسی‌ده آتیشمه یوزبیرگنی باعث، مذکور ولایت پولیس قومندانی جنرال عبدالرازق هلاک ایتیلدی.
اوشبو هجوم‌ده، قندهار حاکمی تن‌جراحتی کوتارگن.
حادثه مسئولیتی نی طالبان بوینیگه آلگن.
