.jpg)
۴۵ یاشر محمداسلم دیوارگه تکیه قیلیب باغی‌نینگ قوریگن درختلری خیالایتیده غرق. بوندن بیش ییل آلدین محمداسلم نینگ باغی یم-یشیل و اوزوملی ایدی، اما حاضر باغی‌نینگ کوپلب اوزوم درختلری قوریگن و کون سایین باغی یشللیکنی قولدن بیره‌دی.
محمداسلم‌نینگ باغی قوشیمچه قندهار دند تومنیده باشقه باغلر هم ییل قوروغ کیلگنیدن قوریگن و محمداسلم‌گه اوخشه گن ایکینچی‌لر قیینچی‌لیکنی ایچیش فکریده‌لر.
محمداسلم‌نینگ اوزوم باغی دند تومنی‌نینگ منصور تیپه منطقه‌سی یقینیده جایلشگن.
بوندن آلدین دند تومنی یشیل منطقه‌لردن سنه‌لردی و شهر یشاوچیلری ایسه بو منطقه‌لرده تفریح اوچون بارردیلر، بیراق حاضر بومنطقه کون سایین سوو آزلیگی قیینچی‌لیگی بیلن روپه‌ره بولماقده.
محمداسلم‌نینگ ایتیشیچه، سوو آزه‌یشی بیلن باغی‌نینگ حاصللری هم آزه‌یگن و اونینگ اقتصادیگه سلبی تأثیر قالدیرگن.
.JPG)
محمداسلم‌گه کوره، اوتگن ییل باغیگه سوو بیریش اوچون پیتابدن کوچ آله‌دیگن ماشینلرنی ساتیب آلگن ایدی، اما سوو پس‌گه توشیب کیتیشی بیلن بو ایشی هم نتیجه بیرمه گن. او حتی سوو چیقاریش اوچون جنراتوردن هم استفاده قیلگن، لیکن تیل بهاسی یوقاری کیتگنی اوچون ضرر کورگن. حاضرگه قدر محمداسلم نیچه مرته قندهار ایکینچی‌لیک ریاستی‌گه مراجعت قیلگن ولی نتیجه بیرمه گن.
ایکینچی‌لرنینگ ایتیشیچه، وضعیت دوام ایتگنده قندهار بازاریدن میوه یوقالیشی ممکن.
قندهار ایکینچی‌لیک ریاستی باشلیغی حبیب‌الحمان سجادی دند تومنی‌نینگ سووی آزه‌یگنینی قبول قیله‌دی و ایتیشیچه، ایکینچی‌لر نیچه مرته قیینچی‌لیکلرینی اوشبو اداره بیلن شریک قیلگن.
اونگه کوره، دند یشاوچیلری‌نینگ سوو قیینچی‌لیگینی دایمی شکلده حل ایتیش اوچون منصور تیپه سی یقینیده سوو ییغینی آچه‌دی، نتیجه‌ده ۲ مینگ ایکینچی‌نینگ سوو معمالری حل ایتیله‌دی.
دند تومنی قندهار ولایتی‌نینگ ۱۰۰ کیلومترلیک جنوب تامانیده ییرلشگن و مذکور تومن نینگ اوزوم و باشقه میوه‌لری تشقی ممکتلرگه ساتیله‌دی.
قیشلاقلرنی یوکسه‌تیش وزیرلیگی سوزلاوچیسی اکبر رستمی‌نینگ ایتیشیچه، اوتمیش ۲ ییل جریانیده ۲۴ مینگ سوو ایتکزیب بیریش لایحه ایش آلیشگه تاپشیریلگن. مذکور لایحه سوو ایتکزیش کانالی، سوو توغانی و استنادی دیوارلر قوریش شامل بوله‌دی.
جناب رستمی‌نینگ ایتشیچه، حاضرگه قدر مملکت بویلب ۱.۵ میلیون هکتار قوروق ییرلر سولنتیریلگن و قندهار ایسه اوشبو لایحه گه شامل.
محل یشاوچیلری و ایکینچی‌لر اوشبو تومنده سوو توغانی توزه‌تیلیشینی خوش قرشیلیدیلر و بوباره‌ده رسمیلرنینگ توجه‌لرینی طلب قیله‌دیلر.
بیلیم اوقیتوچیسی محمداشرف مهربان قندهار ییرلریده سوو یوقلیگینی تصدیقلیدی و حکومتدن بو قیینچی‌لیکلرنی حل ایتیش اوچون تیزلیکده اقدام قیلیشینی ایستیدی. او حکومتدن شاه‌ولی کوت تومنیده‌گی دهلی سوو توغانی‌نینگ دیوارلری قیته قویش ایشی عملی قیلیشینی طلب قیله‌دی.
جناب مهربانگه کوره، حکومت قیله آله‌دی ایریم یوللر بیلن بوش کیته‌دیگن سوولر آلدینی آلیب، یشاوچیلر قیینچی‌لیگینی حل ایتیسه. بو بیلیم یورت اوقیتوچیسی، حکومت دهلی توغانینی توزه‌تگن تقدیرده قندهار ایکینچی‌لری نینگ کوپلب قیینچی‌لیکلری حل ایتیله‌دی دیدی.
مملکت بویلب ۸ میلیون هکتار ییر قوروقلیکده قالگن وحاضرگه قدر بو رقمدن ۴۰ فایزی سوولنتیریلگن.
