جمعه‌دن شنبه‌گه اوترکیچه‌سی قوراللنگن نامعلوم شخص‌لر قندهار ولایتی شاه‌ولیکوت تومنی‌نینگ کاریز منطقه‌سیده بیر خانه‌دان نینگ ییتی اعضاسسی‌نی اولدیریب کیتگن.
قندهار پولیس قوماندان لیگی‌نینگ سوزلاوچی‌سی ضیا درانی‌نینگ سلام‌وطندارگه ایتیشیچه، قربانلرنینگ برچه‌سی تینچ اهالی دیر. سوزلاوچی، بو توغریده پولیس تیرگاو باشله‌گن لیگینی ایتگن.
درانی، مذکور خانه‌دان اعضالری هجومنی مدافعه قیلگن‌لیگی نتیجه‌سیده قوراللنگن‌لردن هم بیرته‌سی اولدیریلگن دیگن. هجومچی‌نینگ جسدی میدان‌ده قالگن لیگینی ایتگن درانی.
هنوز گچه هم واقعه‌نینگ اصلی سببی انیق لنمه‌گن؛ اما قندهار پولیس سوزلاوچی‌سی، کوچلی احتمال بیلن اوشبو خانه‌دان‌نینگ اعضاسی شخصی دشمن‌لیک سبب آتیب اولدیریلگن بولیش‌لری ممکن دیگن.
هنوزگچه هم حادثه مسوولیتی‌نی بیرار گروه یا شخص اوز ذمه‌سی‌گه آلمه‌گن.
محل یشاوچی‌لریدن بیری، واقعه تون‌نینگ یریمده روی بیرگن لیگینی ایتگن.
واقعه‌نی قاره‌له‌گن ولایت انسان حق وحقوقلری بوییچه کمیسیون مسوول‌لری، افغانستان‌ده‌گی اوروش تامانلریدن تینچ اهالی‌گه تلفات ییتکزمس‌لیک‌لرینی طلب قیلگن‌لر.
