قندهار شهری و بو ولایت تومن‌لریده بیرمینگ‌دن آرتیق چقور قودوق اوز باشیمچه قازیلگن. بو مساله ولایت‌نینگ بیر قنچه منطقه‌لریده سوو تنقیس‌لیگی‌گه سبب بولگن.
قندهار اطراف محیطنی تازه سقلش اداره‌سی‌نینگ مسووللری، چقور قودوقلر تخصصی روش‌ده قازیلمه‌گن لیگی ایریم منطقه‌لرده 150 متر چقورلیک‌ده هم سوو چیقمیدی دیگنلر.
ولایت اطراف محیطنی تازه سقلش اداره‌سی‌نینگ باشلیغی محمدغلام روشن نینگ سلام‌وطندارگه ایتیشیچه، قندهار شهریده‌گی 25ته موز (یخ) ایشلب چیقاریش فابریکه کونده کوپ مقدارده سوونی بیکارگه صرف‌لشلری اطراف محیط‌گه سلبی تاثیر قالدیرگن.
قندهار شهری‌نینگ بیر قطار یشاووچی‌لری بو توغریده تشویش بیلدیریب ایتیشلریچه، سوو بیکارگه صرفله‌نیش آلدی آلینمه‌گن حالده، سوو تنقیس‌لیگی اهالی نی باشقه بیر منطقه‌گه کوچیشگه مجبور قیله‌دی.
ولایت اطراف محیطنی تازه سقلش اداره‌سی‌نینگ باشلیغی، چقور قودوقلر مسلکی شخص‌لر نظراتی آستی‌ده قازیلیشی و سوو قوور لری آرقه‌لی برچه اهالی‌گه تینگ‌لیک بیلن ترقه تیلیشی کیره‌ک دیگن.
قندهار سوو ییتکزیش اداره‌سی‌نینگ مسووللری، چقور قوردوقلر اوز باشیمچه قازیلیشی یشش محیط اوچون ییریک قیینچلیک سنه‌له‌دی دیگنلر. بو اداره رسمیلری، سوو قوری ییتکزیلگن خانه‌دانلر سوو پولینی وقتی‌ده تولیش‌لرینی طلب قیلگن‌لر.
