دشت ارچی ولسوال‌لیگی نینگ امنیه قوماندانی نصرالدین سعدی نینگ ایتیشیچه، دوشنبه کونی ایرته‌لب ایکی مینگ‌دن آشه‌راق طالب مذکور تومن اوستی‌گه هجوم اویوشتیریب بو ولسوال‌لیکنی تصرف قیلگن‌لر.
جناب سعدی، نیچه کوندن بیر دولت قورال‌لی مخالف‌لرینینگ قورشاوویده بولگن دشت ارچی تومنی، مرکز دولت تامانیدن اعتبار بیریلمه‌گنی اوچون نهایت ده جنگری‌لر تاماندن تصرف ایتیلدی دیگن.
حاضرملی کوچلر تخار ولایتی نینگ خواجه غار چیگره سیده جایلشن دشتارچی یقینده ییرلشگنلیکلری ایتیلهدی. اما، حاضرگه قدر بو اوروش تلفاتی توغریسی‌ده انیق معلومات قولگه کیلمه‌گن.
دشت‌ارچی‌نینگ کوپینچه منطقه‌سی بیر ییل‌دن بیر طالب‌لر قمراویده بولیب، داعش گروهی بیرینچی مرته اوز بیریاغی‌نی بو تومن‌ده کوتارگن ایدی.
قندوز مرکزی‌ده محلی رسمی‌لر، دشتارچی توغریسی‌ده معلومات بیرمه‌گن. انچه پیت آلدین، قندوز والی‌سی محمدعمر صافی، مذکور ولسواللیک‌ده عصیانچی‌لر و داعش گروهی تربیه وی مرکز ایجاد ایتیب جنگری‌لرگه تعلیمات بیریش‌نی ایتکن ایدی.
دشتارچی تخار ولایتی خواجه غار تومنی بیلن چیگره‌داش، عصیانچی‌لر نیچه مرته خواجه غارنینگ هزارباغ قیشلاغی یولی بیلن کوکچه اطرافینی باسیب آلیش گه سعی وحرکت قیلگن ایدی. تخار والی‌سی‌نینگ سوزلاوچی‌سی سنت الله تیمورنینگ ایتیشیچه، تخار محلی حکومتی دشتارچی بیلن چیگره‌داش بولگن مدافعه‌وی کمربندنی کوچلنتیرگن.
قندوز ولایتی چهاردره تومنی ایکی کون آلدین طالب‌لرقولی‌گه توشدی و دولتی کوچلر حاضرگه قدر آلدین باره آلمه‌گن. ستر درستیز اورین باسری جنرال مرادعلی مراد نینگ ایتیشیچه، مذکور تومن‌نی قیته‌دن قولگه کیریتیش اولرنینگ بیرینچی ایشی ایمس دیر. اونینگ کوپیتیریشیچه، داعش و جندالله گروهی‌گه تیگیشلی کیشی‌لر قندوز طالب‌لری یانیده حضور تاپگن‌لر.
باشقه تاماندن، جنرال مراد نینگ تصدیق لیشیچه، حربی ملی کوچلردن بیرگروهی عصیانچی‌لرقمراویده قالگن؛ بیراق بو عسکرلر رقمی توغریسی‌ده معلومات بیرمه‌گن.اما، قندوز ولایتی کینگشی نینگ اورین باسری امرالدین ولی نینگ ایتیشیچه، قمراوگه قالگن عسکرلر رقمی 70 کیشی بولگن.
چهاردره تومنی عیسی‌خیل منطقه‌سیده قورال‌لی طالب‌لرنینگ قمراویده قالگن 70 عسکرنینگ قوماندانی مجیب نینگ ایتیشیچه، دولت‌نی یاردم بیریشدن امیدلرینی اوزگن.
اوشبو قوماندان‌نینگ ایتیشیچه، شو حاضر عسکرلر تیریک قالیش اوچون اوت ییشگه باشلهگن.
قندوز ولایتی چهاردره و دشتارچی تومن‌لری‌گه قوشیمچه، تاجکستان بیلن چیگره داش بولگن قلعه زال و امام صاحب تومن‌لری عصیانچی‌لرنینگ قولی‌گه توشیش عرفه‌سیده. شونینگ‌دیک علی‌آباد ولسوال‌لیگی‌نینگ خوفسیزلیک وضعیتی قانیقرلی ایمس‌لیگی ایتیلهدی.
