آتی فاش ایتیلیشی‌نی ایستمه‌گن ایشانچ‌لی بیر منبع نینگ سلام‌وطندارگه ایتیشیچه، طالبان گروهی تانیقلی عیاللردن بیرقطاری نی قطر ییغینیده مذکور گروه دن نماینده‌لیک قیلیش‌لری اوچون چقیرگن.
منبع نینگ ایتیشیچه، طالبان گروهی چقیرگن عیاللرگه قطر ییغینیده اشتراک قیلیب و بو گروه دن نماینده‌لیک قیلگن صورتده، اولر اوچون امتیاز نظرگه آلگن‌لرینی بیلدیرگن.
منبع گه کوره، قطر ییغینی گه طالبان گروهی تامانیدن چقیریلگن 11 عیال دن بیرقطاری نماینده‌لر کینگشی نینگ سابق اعضالری و اوتمیش‌لرده حکومت رسمی‌لری ایکن و بو 11 عیال گه ننگرهار ولایتی نینگ نماینده‌لری شریفه زرمتی و نیلوفر عزیزنینگ آت‌لری شامل دیر؛ بیراق بو عیال طالبان گروهی تامانیدن چقیریلگنلرینی رد قیلگنلر.
منبع نینگ ایتیشیچه، مذکور 11 عیال طالبان گروهی نینگ چقیریغی نی رد قیلگن‌لریدن سونگ، تهدید ایتیلگن‌لر.
شونینگدیک، طالبان گروهی نینگ سابق رسمی‌لریدن بیری وحید مژده، قطر ییغینی گه طالبان گروهی تامانیدن پاکستان، ایران، اروپا و آمریکادن قطر عیاللر چقیریلگنینی تصدیقلب و صوفیه عمر دن آت توتگن.
اونینگ اورغولشیچه، بو ییغینده افغانستان عیاللریدن بیرقطاری هم چقیریلگن.
وحید مژده نینگ کوپه‌یتیریشیچه، نماینده‌لر کینگشی اعضاسی ساهره شریف طالبان گروهی‌نینگ دعوتی‌نی قبول قیلگن ایدی. او طالبان گروهی تامانیدن امتیاز پیشنهاد ایتیلگنی و تهدید صورت تاپگنی‌نی رد قیله‌دی.
جناب مژده نینگ ایتیشیچه، قطر تینچلیک ییغینیده طالبان دعوتی توغریسیده، صفیه صدیقی ریاستیده جمعه‌خان همدرد نینگ اوی‌ده کته بیر ییغین یولگه قوییلگن ایدی و اشتراک قیلگنلر طالبان دعوتی‌نی قبول قیلگن ایدیلر.
بوتوغریده صفیه صدیقی و ساهره شریف نینگ فکرینی آلیش اوچون سعی و حرکت قیلدیک؛ بیراق موفق بولمه‌دیک.
عین حالده، طالبان گروهی نینگ چقیریغی نی رد قیلیب و تهدید ایتیلگن‌لری ایتیلگن شریفه زرمتی و نیلوفر عزیز هوتک سلام‌وطندارگه بیرگن صحبت‌لریده بو ایکی موضوع نی رد قیلگنلر.
خانم زرمتی نینگ ایتیشیچه، طالبان گروهی تامانیدن چقیریلگن صورتده، او قبول قیلردی.
بوندن آلدین هم قطر ییغینیده طالبان گروهی نینگ نماینده‌لیگی دن قطار عیاللر اشتراک قیلیشی توغریسیده گزارشلر نشر قیلینگن ایدی.
قطر ییغینی 19- و 20- اپریل دوحه شهریده یولگه قوییلیشی خصوصیده قرار قیلینگن ایدی، لیکن قطر حکومت تامانیدن بیکار قیلیندی.
شوتوغریده…
