.jpg)
له عراق وروسته قرغزستان په لومړۍ لیکې فوټسال سیالیو کې د افغانستان فوټسال ملي لوبډلې درې لوبغاړي په پیسو واخیستل.
د افغانستان فوټبال فدراسیون وایي چې د افغانستان فوټسال ملي لوبډلې د لوبډلمشر سید مهدي هاشمي په شمول ۳ لوبغاړي اکبرکاظمي او محمدرضا کریمي د قرغزستان لومړۍ لیکه فوټسال سیالیو ته غوره شول.
د ورکړل شویو معلوماتو لهمخې، دغه لوبغاړي اوسمهال د یو کلن تړون پر اساس قرغزستان ته رسېدلي او هلته له (ایف. سي. ارم) فوټسال کلپ سره یوځای شوي.
دغه افغان لوبغاړي پهداسې حال کې د قرغزستان لومړۍ لیکې فوټسال سیالیو ته غوره کېږي چې تیره میاشت د افغانستان فوټسال ملي لوبډلې ۲ نور لوبغاړي عليفیاضي او جوادحیدري هم د یو کلن تړون پر بنسټ د عراق لومړۍ لیکې فوټسال کلپ (بلدیه النصره) سره یوځای شول.
.jpg)
ایف. سي. ارم فوټسال کلپ د قرغزستان مشهور فوټسال کلپ شمېرل کېږي چې تېرکال یې د یاد هېواد د فوټسال لومړۍ لیکي فوټسال سیالیو اتلولي وګټله او هم د ویتنام په کوربتوب د اسیایي فوټسال کلپونو سیالیو کې هم ولوبېد.
ایف. سي. ارم فوټسال کلپ اوسمهال د قرغزستان په روانو لومړۍ لیکې فوټسال سیالیو کې ښه روان دی او له ۹ اوونیو لوبو وروسته د ګډونوالو لوبډلو په کتار کی دویم مقام لري.
د افغانستان فوټسال ملي لوبډلې په لوبغاړیو کې د نړیوالو کلپونو دلچسپي وروسته له هغې ډېرېږي چې د افغانستان فوټسال ملي لوبډلې د ترکمنستان په کوربتوب د تېرکال په ۵م پړاو سالون دننه اسیایي سیالیو پرمهال په فوټسال سیالیو کې د چین، مالدیف او ازبکستان ته سترې ماتې ورکړې او د ۱۷ ګډونوالو لوبډلو په کتار کې یې په اسیایي کچه تر ټولو ستر ۴م مقام ترلاسه کړ چې په نړۍواله کچه یې شهرت پیدا کړ.
.jpg)
د قرغزستان لومړۍ لیکې فوټسال سیالیو په دوام افغان لوبغاړیو اکبرکاظمي په ۲۲ شمېره، محمدرضا کریمي په ۸ شمېره او کپتان سیدمهدي هاشمي په ۲۳ شمېره کمېس کې سیالۍ کړې او په موجودیت کې یې (ایف. سي. ارم) فوټسال کلپ ۷ د یو ګول پر وړاندې بریا خپله کړه.
د افغانستان فوټسال ملي لوبډله اوسمهال په نړیواله درجهبندۍ کې ۹۴م؛ خو په اسیایي درجهبندۍ کې ۲۲م مقام لري.
