افغانستان قاچقین‌لر ایش‌لری بوییچه وزیری سید‌حسین عالمی بلخی‌نینگ ایتیشیچه، پاکستان‌گه قیلگن اخیرگی سفری‌ده، پاکستان‌ده حجت‌سیز استقامت قیله دیگن افغانستان‌لیک‌لر رویخط‌گه آلینه‌دی.
بوگون کابل‌ده مطبوعات انجمنی‌ده سوزله‌گن جناب بلخی‌نینگ سوزلری‌گه کوره، پاکستان دولتی حجت‌سیز قاچقین‌لر بیلن قیین‌چی‌لیگی بولگن، اوشبو کیلیشوو اساسی‌ده میلادی جاری ییل پایانی‌گچه مهاجرلرنی قالیشی قانونی بوله‌دی.
بوندن آلدین افغانستانلیک مهاجرلر پاکستان‌ده اذیت قیلینیش‌لری همده جبردن چیقاریلیش‌لری توغری‌سی‌ده خبرلر ترقه‌تیلگن ایدی. بو مساله آرتی‌دن افغانستان قاچقین‌لر مساله‌سی بوییچه وزیری دولت‌نینگ بلند مرتبه‌لی هیاتی بیلن پاکستان‌گه سفر قیلدی.
مهاجرلر وزیری‌گه کوره، اوشبو سفر جریانی‌ده او مملکت دولتی بیلن کیلیشیلگن لایحه اساسی‌ده پاکستان پولیسی افغان‌لرنی اذیت قیلیش‌دن قول کوتاره‌دی. ایتیلیشیچه، مذکور شرطنامهگه موافق او مملکت‌ده‌گی افغان‌لر زوردن چیقاریلمی‌دی.
افغانستانلیک ناقانونی قاچقین‌لر رویخطی‌نی تیار قیلیش اوچون قوشمه بیر کمیته ایش کوریشی تاکیدله‌نهدی. کمیته‌نینگ ایشی بیر آیده اوز پایانی‌گه ایریشیشی مول‌جلنگن. جناب بلخی، بو توغری‌ده کیلیشوو امضالنه‌دی دیگن. اونگه کوره، مذکور مساله کیلیشوو قول قوییلگدن کیین عملی ایتیله‌دی.
سلام وطندارنینگ پیشاور شهری‌ده‌گی خبرچی‌سی طایر زلاند نینگ ایتیشیچه، پاکستان پولیسی هنوز هم افغانستانلیک مهاجرلرنی اذیت ایته‌دی.
جناب زلاند، رویخط‌گه آلینگن مهاجرلر مساله‌سی افغانستانلیک هیات سفری جریانی‌ده حل بولگن، اما پولیس هنوز هم قاچقین‌لر بیلن آلدینگی‌دیک قوپال معامله قیلیشی‌نی ایتگن.
افغانستان قاچیقن‌لر وزیرلیگی نینگ حساباتی‌ده، هنوز هم 30 میلیون‌دن آرتیق افغانستانلیک مهاجر پاکستان‌ده استقامت قیله‌دی. ایتیلیشیچه، اولرنینگ 1.6 میلیونی قانونی حجت‌گه ایگه.
