.jpg)
هر ییل کنر یاشلریدن بیرقطاری، چیت‌ایل مملکت‌لر تامان یول آله‌دیلر و نیت‌لری ایسه چیت‌ایل مملکت‌لرگه باریب و او ییرلرده ایش قیلیب و زحمت چیکیب عایله اعضالری‌نینگ قشاقلیگی و کم‌بغل‌لیگی‌گه آز بولگنده هم مرحم قوییش دیر.
بیراق، بو کیشی‌لردن کوپینچه‌سی یخشی بیر کیله‌جک امیدی گه یامان وضعیت گه اوچره‌یدیلر؛ اولر انسان قاچاقچی‌لری‌نینگ توزاغی گه توشیب و بیر مدت مجبوری محنت و آغیر ایش‌لردن سونگ صفر نقطه‌سیگه قیته‌دیلر.
گل‌احمد 3 ییل آلدین آلمان باریش اوچون قرار قیلیب و نامعلوم یولگه چیقگن. او حاضرده مملکت‌گه قیتیب کیلگن، بیراق وضعیتی یمان دیر. گل‌احمد سفری‌دن حکایت قیلگن حالده، لرزه‌گه توشه‌دی و روانی حالتی اوزگره‌دی.
ساووق موسومده و ناتانیش یولده سفر قیلیش قیین دیر، بیراق قاچاقچی‌لر یولاوچی بولگن سفر خطرلی و کوپ قیین دیر. گاه‌گاهی شونینگدیک سفرلر جان بهاسی‌گه تمام بوله‌دی.
کنر ولایتی‌نی اسدآباد منطقه‌سی‌نینگ یشاوچی‌سی گل‌احمد، 3 ییل آلدین آلمان باریش مقصد ده افغانستانی ترک قیلگن، بیراق سفر جریانیده قاچاقچی‌لرنینگ توزاغی‌گه توشگن. او 6 مینگ دالرگه قرشی آلمان‌گه باریش اوچون بیر انسان قاچاقچی‌سی بیلن کیلیشگن، قاچاقچی اونی الده‌ب ونتیجه‌ده، گل‌احمد ایران پولیسی تامانیدن قولگه آلینگن.
گل‌احمدنینگ ایتیشیچه، قاچاقچی‌لر، او و باشقه 7 کیشی‌نی خطرلی یوللر بیلن ترکیه‌گه آلیب بارگن، بیراق چیگره ییقینیده ایران پولیسی تامانیدن اوق آستیگه قرار بیریلیب نتیجه‌ده دوست‌لریدن ایکی ته‌سی یره‌لنگن و باشقه‌لری ایران پولیسی قولگه توشگن.
گل‌احمدنینگ ایران پولیسی‌نی زوراوانلیک و یمان حرکتی‌دن شکایت قیلیب ایتیشیچه، قیناغ‌لش، کلتک‌لش و ایران قماقخانه‌لریده افغانستان‌لیک‌لرنینگ اذیت ایتیلیشی عادی بیر موضوع دیر. اونینگ ایتیشیچه، ایران پولیس اولر جمله‌سیدن بیرقطارینی سوریه اوروشی‌گه یوباریش اوچون اجره‌تگن.
گل‌احمدنینگ ایتیشیچه، بیرقطار دوست‌لری بیلن قیته‌دن افغانستانده یوباریلگن‌لر، بیراق قاچاقچی‌لر اولرنی پول‌لرینی اوزلری بیلن آلیب کیتگن. اونینگ ایتیشیچه، ایران قماقخانه‌سیده ایران پولیس‌لری اولرنی اذیت قیلگنی چکه‌سیده، نشئه قیله‌دیگن مواد بیره‌ریکن.
گل‌احمد مملکت‌نی ترک قیلیش اوچون قرار قیلگن باشقه یاش‌لردن، قاچاقچی‌لر توزاغی‌گه توشمه‌یش و قاچاق یولی بیلن سفر قیلمه‌یش‌لرینی ایسته‌یدی. اوشبو کنرلیک یاش حاضرده کنر ولایتیده بیر داروخانه‌گه شغل‌لنه‌دی.
کنر ولایتیده مهاجرلر ریاستی مسوولری‌نینگ ایتیشیچه، اوتگن 6 آی جریانیده اوشبو ولایت یشاوچی‌لریدن 26 ته‌سی ایران و باشقه مملکت‌لردن سورگون ایتیلگن. کنر ولایتیده مهاجرلر ریاستی‌نینگ اورین باسری محمدفاضل ناصح‌نینگ ایتیشیچه، اولر ایگولیک آذق-اوقات خلق ارا تشکیلاتی همکارلیگی بیلن قیتیب کیلگن‌لرگه نقدی کمک قیله‌دیلر.
.jpg)
کنر ولایتیده مهاجرلر ریاستی‌نینگ اورین باسری‌نی، ایران، پاکستان و باشقه مملکت‌لرده بولگن افغانستان‌لیک مهاجرلر وضعیتی‌دن خواطر بیلدیریب و عایله‌لردن فرزندلرینی قاچاقچی‌لر قول‌لریگه تاپشیرمه‌یشی‌نی سوره‌یدی.
مهاجرلر قاچاقی و انسان قاچاقی قربانلریگه یاردم بیریش ملی میکانیسم (NRM)، افغانستان دولتی‌‌نینگ مهاجرلر قاچاقی و انسان قاچاقی‌گه قرشی کوره‌ش یوکسک کمیسیونی تامانیدن تیارلنیب و تصدیق‌لنگن. اوشبو میکانیسم‌دن مقصد انسان قاچاقی و مهاجرلر قاچاقی قربانلریدن حمایت قیلیب و اولرگه یاردم بیریب و شونینگدیک، قاچاقچی‌لرنی تانیب قضایی اداره‌لریگه تانیشتیریب (2017- ییل مصوبه‌سی) انسان قاچاقی گه قرشی کوره‌ش قانونی اساسیده، دولت و دنیاجماعه‌چیلیگی‌گه یولچی‌لیک قیلیش بولگن.
مهاجرلر قاچاقی و انسان قاچاقی قربانلریگه یاردم بیریش ملی میکانیسم (NRM) نینگ 9- بند و 8- ماده‌سیده مهاجرلر وزیرلیگی اداغ‌ده بولگن مواردلرنی تامین قیلیش‌گه موظف دیر.
- چیت‌ایل مملکت‌لرده انسان قاچاقچی‌لری تامانیدن آلیب باریلگن کیشی‌لرگه، تشقی ایشلر وزیرلیگی و مربوط بولگن باشقه خلق ارا نهادلر همکارلیگی اساسیگه قیتیب کیلیش زمینه‌سینی یره‌تیش.
- انسان و مهاجرلر قاچاقی‌گه قرشی کوره‌ش ییل‌لیک پلان‌نی تیارلب و عملی قیلیش.
- 4 آی جریانیده قیلگن اجرات‌لردن انسان و مهاجرلر قاچاقی‌گه قرشی کوره‌ش عالی کمیسیون‌گه گزارش بیریش.
- انسان و مهاجرلر قاچاقی‌گه قرشی کوره‌ش عالی کمیسیون تامانیدن مهاجرلر وزیرلیگی‌گه تاپشیریلگن قانونی وظیفه‌لرنی انجام بیریش.
کنر ولایتیده عدلیه باشلیغی و انسان قاچاقی‌گه قرشی کوره‌ش کمیسیون کاتبی محمدتراب تراب نینگ سلام‌وطندارگه ایتیشیچه، اوشبو ولایت یشاوچی‌لریگه دولتی و دولتی بولمه‌گن اداره‌لر آرقه‌لی انسان قاچاقی خصوصیده معلومات بیریش اوچون سعی و حرکت قیله‌دیلر. جناب تراب گه کوره، انسان قاچاقی‌گه عیب‌لنگنلر، انسان قاچاقی قانونی اساسیگه جزالنتیریله‌دی.
کنر ولایتیده عدلیه باشلیغی و انسان قاچاقی‌گه قرشی کوره‌ش کمیسیون کاتبی‌نینگ کوپه‌یتیریشیچه، ایران، پاکستان و باشقه مملکت‌لرده انسان قاچاقچی‌لری توزاغی‌گه توشگن مهاجرلر جدی قیین‌چیلیک‌لر بیلن روپه‌ره بولگن.
نیچه مدت‌دن بویان افغانستان حکومتی و خلق ارا جماعه‌سی انسان قاچاقی‌گه توسیق بولیش اوچون سعی و حرکت قیلیب و اوشبو سعی و حرکت‌لر ایجابی نتیجه هم بیرگن.
