خوست شهریده دکاندارلیک قیله‌دیگن اسماعیل آتلی تنه‌سی اینجه، مؤدب و کولر یوزلی کیشی حیاتی‌دن حکایت قیله‌دی. بو ولایتده اقتصادی وضعیت مناسب بولگنی باعث، اسماعیل‌نینگ ایشی ییل‌لر جریانیده یخشی بولگن و کونده‌لیک ایشی‌دن هم راضی دیر.
بیراق، مملکت بوییچه اقتصادی وضعیت کوندن کون گه یمان بولگنی سبب، خوست ولایتیده هم درآمد میزانی کمه‌یگن، اسماعیل هم بازار وضعیتی‌نی یخشی بیلیب و دکاندارلیک ایشی کونده‌لیک حیاتی‌نی تیبره‌ته آلمه‌سینی سیزگن.
شو یوزه‌دن بار و یوقی‌نی توپلب قوشنی مملکت‌لرگه یول آلیش اوچون قرار قیلگن. بیراق، دستلب چاره و تدبیر کوریشی لازم. او، کوپلب ایزله‌گنیدن سونگ، فیسبوک آرقه‌لی بیر کیشی بیلن تانیشه‌دی و اوندن سونگ، بیر مقدار پول توللب، اونی ایران چیگره‌سیدن اوزتکزیب و ترکیه گه کیریش خصوصیده، قرار قیلینه‌دی.
اسماعیل یولگه توشه‌دی، بیراق ایران و ترکیه چیگره‌سیگه ییتیشگنیدن سونگ، قاچاقچی تلیفونی‌نی آله‌دی و اسماعیل‌نینگ عایله‌سی بیلن بولگن علاقه‌سینی کیسه‌دی؛ نهایت‌ده کوپ کونلردن سونگ، اسماعیل یولگه دوام بیریش‌دن وازکیچه‌دی و ینه عایله‌سی‌نینگ آلدی گه قیته‌دی.
انسان و مهاجرلر قاچاقی‌گه قرشی کوره‌ش قانونی‌نینگ اوچینچی فصلی، تورتینچی ماده‌سی و ایکینچی فقره‌سی اساسیده، «مهاجرلر قاچاقینی ریجه‌لنتیرگن یا-ده باشقه‌لرنی ریجه‌لشتیریش‌گه بویروغ بیرگن کیشی کمیده اورته حبس‌گه محکوم ایتیله‌دی.» بیراق عادتاً قاچاقچی‌لر مملکت‌ده آز توره‌دی کوپینچه مقصد بولگن مملکت‌لرده فعالیت قیله‌دی و اوزلریدن اورنک قویمه‌یدیلر.
مهاجرلیک تجربه‌سیگه ایگه بولگن اسماعیل، قاچاق یولی بیلن قوشنی یا-ده غرب مملکت‌لرگه یول آله‌دیگن کیشی‌لرگه قرارلریدن وازکیچیب و قاچاقچی‌لرنینگ سوزلریگه ایشانمس‌لرینی سوره‌یدی.
شیخ زاهد بیلیم یورتی استادی حضرت‌الله ارغون‌نینگ ایتیشیچه، افغانستان جزا قانونی اساسیده، قاچاق اوچون زمینه یره‌تگن کیشی‌لر قاچاقچی صفتیده جنایتچی سنله‌دی و قانون اساسیده، جزا کوریشی ممکن. جناب ارغون گه کوره، مسافر قاچاق جریانیده هلاک بولگن صورتده، قاچاقچی بوتون عمر حبس گه محکوم بوله‌دی.
خوست ولایتیده مهاجر قاچاقی کوز تورترلی شکلده ایمس دیر؛ خوست امنیتی رسمی‌لری‌نینگ ایتیشیچه، اوشبو ولایت یشاوچیلریدن کوپینچه‌سی عربی مملکت‌لرگه سفر قیله‌دیلر و بو مسافرلردن کوپینچه‌سی‌نینگ وظیفه‌سی سوداگرلیک دیر؛ شو یوزه‌دن خوست عمومی اویلنگنده، انسان قاچاقی اینیقسه مهاجرلر قاچاقی گه آز گواه بوله‌دی.
خوست پولیس قومندانی اخترمحمد نورزی‌نینگ ایتیشیچه، اوتمیش‌ده خوست یشاوچیلری پاسپورت آلماق اوچون پاکستان باره‌دی ایکن‌لر و خوست شهریده پاسپورت ترقه‌تیش جریانی باشلنگنیدن بویان، مهاجرلر قاچاقی هم کمه‌یگن.
عین حالده، اسماعیل‌نینگ اوستیگه توشگن قضیه‌لرگه کوره، انسان قاچاقی و مهاجرلر قاچاقی گه تیگیشلی دوسیه‌لردن کوپینچه‌سی رسمی بولیشیدن آلدین باغلنگن و باشقه کیم‌سه اولردن آت و اورنک تاپمه‌یدی.
