اوتگن کون «یکشنبه» آقشام ساعت 7 اطرافیده، پولیس تشکیلاتی نینگ 7- حوزه‌سیگه تیگیشلی کابل شهری نینگ دوغ‌آباد منطقه‌سیده بیر پوسته‌نی اوستیگه موترسایکل گه مینگن قوراللی هجومچی‌لر تامانیدن هجوم اویوشتیریلگن.
کابل پولیسی سوزلاوچیسی فردوس فرامرزنینگ ایتیشیچه، قوراللی هجومچی‌لر تامانیدن هجوم اویوشتیریلگن چاغده، عسکرلردن بیرقطاری نماز اوستیده و باشقه بیرقطاری افطار قیلماقده ایکن‌لر.
کابل پولیسی سوزلاوچیسی گه کوره، بو هجوم ده 3 پولیس هلاک و باشقه 3 ته‌سی یره‌لنگن.
اویوشتیریلگن هجوم مسؤولیتی‌نی طالبان گروهی بوینیگه آلگن.
حربی ایش بیلرمانلرنینگ ایشانچی گه کوره، طالبان گروهی موتر سایکل گه مینیب کابل امنیتی کوچلری اوستیگه هجوم قیله‌دیلر.
حربی ایش بیلرمان میرزا محمد یارمندنینگ ایتیشیچه، بو طریقه‌دن فایده‌لنیب امنیتی کوچلرنینگ اوستیگه هجوم قیله‌دیگن کیشی‌لرنینگ هجوم اویوشتیرگن منطقه‌ده باش‌پناه‌سی و طرفداری بولگن.
حربی ایش بیلرمانلردن باشقه بیری جاوید کوهستانی نینگ ایتیشیچه، طالبان گروهی باشکینت وضعیتی‌نی برهم اوریب و امنیتی کوچلرگه نسبتن اهالی ایشانچی‌نی یوق قیلیش خصوصیده سعی و حرکت قیله‌دیلر.
اوتگن بیر هفته جریانیده بو ایکینچی مرته کیم، کابل شهریده پولیس پوسته‌لری هجومچی‌لر تامانیدن نشانگه آلینگن.
اوشبو ایکی هجوم مسؤولیتی نی طالبان گروهی بوینیگه آلگن.
