افغانستان اسلامی حزبی‌نینگ باشلیغی و تشقی ایشلر وزیرلیگی‌نینگ سرپرستی صلاح‌الدین ربانی، 1395- ییل، عقرب آیی‌ده، نماینده‌لر کینگشی تامانیدن ایش‌دن آلیندی. بو ایش زمانیده کوپینچه عکس‌العمل‌لرگه روپه‌ره بولدی: جمهورلیک ریاستی بیر اعلامیه ترقه‌تیب نماینده‌لر کینگشی‌نینگ بو قرارینی نامؤجه بیلیب و شونینگدیک، اسلامی جمعیت حزبی جناب ربانی‌نینگ ایش‌دن آلینگنینی بیر «دسیسه» دیدی.
جناب ربانی نماینده‌لر کینگشی تامانیدن ایش‌دن آلینگنیدن بیر یریم ییل اوتماقده. دولتی اداره‌لر و وزیرلیک‌لر سرپرست‌لیگی‌نی تنظیم قیلیش قانون‌نینگ تورتینچی ماده‌سی و تورتینچی فقره‌سی اساسیده، نماینده‌لر کینگشی تامانیدن ایش دن آلینگن کیشی، اوشه پست‌ده سرپرست صفتیده ایش قیلمه‌سی کیره‌ک. باشقه تاماندن، مذکور قانون‌نینگ تورتینچی ماده‌سی و ایکینچی فقره‌سی اساسیده، سرپرست‌لیک زمانی ایکی آی تعیین ایتیلگن و شونینگدیک، اوشبو ماده‌نی اوچینچی فقره‌سی اساسیده، شونچه مدتده جمهور رییس باشقه بیر کیشی‌نی نماینده‌لر کینگشی گه تانیشتیریشی کیره‌ک.
لیکن؛ یالغیز تشقی ایشلر وزیرلیگی قانون گه قرشی سرپرست تامانیدن اداره بولمه‌یدی. رسول باوری، بیر ییل دن بویان سرپرست صفتیده مدنیت و معلومات وزیرلیگی نی اداره قیله دی و شونینگدیک، کانلر و پترولیم وزیرلیگی ده نرگس نهان سرپرست لیگی دن تورت آی اوته دی. معارف وزیرلیگی ده سرپرست لیک قیین چیلیگی اوزون زماندن سونگ، میرویس بلخی نماینده لر کینگشی تامانیدن ایجابی آواز آلگنیدن سونگ، حل ایتیلیشی ممکن.
سلام‌وطندارگه صحبت بیرگن افغانستان نماینده‌لر کینگشی اعضاسی جعفر مهدوی‌نینگ ایتیشیچه، ملی بیرلیک حکومتی ده قانون گه قرشی حرکت قیلیش بیر رسم گه اوزگرگن و قانون کینگ روش ده حکومت تامانیدن نقض ایتیله دی.
جناب مهدوی گه کوره، ملی بیرلیک حکومت تامانیدن قانون گه حرمت سیزلیک بیر اصل حیثیتی نی تاپگن و بو ایش ایسه، قدرت کوپراق قمراوگه آلینیشی‌نی کورسته‌دی.
شونینگدیک، بیلیم یورت استادی اکرام عارفی نینگ ایشانچی گه کوره، ملی بیرلیک حکومتی ده قانون گه قرشی حرکت قیلیش و اقتدارگرلیک میزانی آشگن و قانونی اداره لر خصوصیده بی فرق یانده شیش کینگ رواجلنگن. شو یوزه‌دن، حکومت و اهالی آره سیده آلیس‌لیک کوپه‌ییشی و حکومت دن یشاوچیلرنینگ ناراضیلیگی نی سیزیش کیره‌ک.
جمهورلیک ریاستی و اجراییه ریاستی سوزلاوچیلری بو توغریده هیچ نرسه دیمه یدیلر، بیراق پارلمانی ایشلر بوییچه دولت وزیری فاروق وردک‌نینگ سلام‌وطندارگه ایتیشیچه، قنچان که حکومت تامانیدن بو وزیرلیککه نامزد وزیرلر تانیشتیریلسه و بو وزیرلیک تیزلیک ده اولرنی نماینده لر کینگشی گه تانیشتیره‌دی.
