افغانستان سابق ساغلیق‌نی سقلش وزیری فیروزالدین فیروز، اوشبو وزیرلیک 3 اورین باسری و 4 ولایت نینگ حاضرگی حاکم‌لری حکومت تامانیدن فسادگه عیب‌لنیب عدلی و قضایی نهادلرگه تانیتیلگن. ساغلیق‌نی سقلش وزیرلیگی‌نی سابق وزیری فیسبوک صحیفه‌سیده یازیشیچه، فاسد حکومت‌دن تقدیرله‌نیش کوتیلمه‌یدی و اوشبو اقدام جینوا کنفرانسیده بیر یوتوققه قولگه کیلتیریش مقصده صورت تاپگن.
جناب فیروزنینگ بیر ویدیو نشر قیلیب ایتیشیچه، عدلی و قضایی نهادلرگه جواب قیتره‌دی، بیراق بوتون یشاوچی‌لر اوستیگه قانونی برابر تطبیق قیلینیشی کیره‌ک.
عین‌حالده، سیاسی ایش بیلرمانلردن بیری احمد سعیدی نینگ ایتیشیچه، حکومت جینوا کنفرانسی اوچون کمپاین‌گه باشله‌گن و اوشبو سعی و حرکت‌لر فسادگه قرشی کوره‌شیش اوچون ایمس.
جناب سعیدی نینگ کوپه‌یتیریشیچه، جینوا کنفرانسی کیله‌جک ییل فبروری آیده یولگه قوییله‌دی و افغانسان حکومتی تعهدلرینی عمل‌گه آشیریش‌نی ایسته‌یدی، بیراق افغانستان حکومتی مذکور ییغینده اشتراک قیلیش‌گه موفق بولمه‌گن صورتده، فاسد مملکت‌لر قطاری‌گه کیته‌دی.
سیاسی ایش بیلرمانلردن باشقه بیری اکبرجان فولاد نینگ ایتیشیچه، بیرقطار کیشی‌لر کرونا ویرسی‌گه قرشی کوره‌شیش اوچون اجره‌تیلگن پول‌نی حیف میل قیلگن و اوشبو کیشی‌لرنی جزالنتیریلیشی کیره‌ک.
بوتوغریده جمهورلیک ریاستی فکرینی آلیش اوچون سعی و حرکت قیلدیک، بیراق جمهورلیک ریاستی سوزلاوچیسی نینگ اورین باسری، اوشبو موضوعی اولرگه تیگیشلی بولمه‌گنی‌نی بیلدیرگن.
کوپینچه سعی و حرکت بیلن باش قاره‌لاوچیلیک اداره‌سی فکرینی آلیش‌گه موفق بولمه‌دیک، بیراق تیکشیرووچی اداره مسوول‌لری نینگ ایتیشیچه، بو سیاسی بیر موضوع دیر و سیاسی موضوع‌لر خصوصیده صحبت قیلمه‌یدیلر.
