افغانستان بوییچه بیرلشگن ملت‌لر تشکیلاتی نینگ اورین باسرلیک هیأتی (یوناما) ینگی گزارشی ده ایتیشیچه، افغانستانده فسادگه قرشی کوره‌ش استراتیژی تطبیق ایتیلیش بولیمی‌ده بولگن یوتوقلر دوامی اوچون دواملی دقت و سعی و حرکت‌لر لازم.
اوشبو گزارش‌ده افغانستان بوییچه بیرلشگن ملت‌لر تشکیلاتی خاص نماینده‌سی تدامیچی یاماموتونینگ ایتیشیچه، «افغانستانده فسادگه قرشی کوره‌ش حاضرهم اساسی نیازلردن سنله‌دی. اوشبو موضوع توغریسیده افغانستان یوتوقلرینی بیرلشگن ملت‌لر تشکیلاتی خوش قرشی‌له‌یدی، بیراق جامعه‌ده‌گی بوتون اهالی یانیده برچه افغانستانلیک اداره‌لر بیریلگن سوز عملگه آشیریلیشی، حساب بیریش و شفافیت خصوصیده سعی و حرکت‌لریگه دوام بیریشی کیره‌ک.»
«فساد برابریده افغانستان نینگ کوره‌شیشی: تینچلیک اوچون اساسی ایش» آتی‌ده ترقه‌تیلگن گزارش‌ده اداری فسادگه قرشی کوره‌ش اوچون تانیتیلگن اصلاحاتی بولیم‌لر تیکشیریلیب و فسادگه قرشی افغانستانلیک نهادلرنینگ حمایتی نینگ تحلیل و پیشنهادلری و یشاوچی‌لرنینگ تیریک‌چیلیگی‌گه کیریتیلگن اوزگریشلیک‌لر ارایه ایتیلگن.
افغانستان بوییچه بیرلشگن ملت‌لر تشکیلاتی نینگ خاص نماینده‌سی کوره، «فساد قانون حاکمیتی‌نی کوچ‌سیز قیلیب و جنایت اوچون زمینه یره‌ته‌دی و بو امر خبیثه حلقه ایجاد ایتیلیب جزالنتیریشدن معاف قیلیش فرهنگی‌نی کوچلی قیله‌دی.»
جناب یاماموتونینگ کوپه‌یتیریشیچه، فساد تینچلیک کیلتیریش امیدی‌نی جدی خطر بیلن روپه‌ره قیلگن، بلکیم تینچلیک سوزلشوولر اوچون اساسی حل یول صداقت و عدالت دیر.
یوناما نینگ بو گزارشی‌ده کوپه‌یتیریشیچه، فسادگه قرشی کوره‌ش اوچون دولت‌نینگ سعی و حرکت‌لری کوپ قطار افغانستان‌لیک‌لر اوستیگه تاثیر قویمه‌گن و حقوقی و پالیسی بولیم‌لریده کوپینچه اصلاحات کیریتیلگن، بیراق حاضرده فساد دایمی تینچلیک‌که قول تاپیش اوچون اساسی توسیق‌لیک‌لردن دیر.
اوشبو نهادنینگ پیشنهادی‌گه کوره، افغانستان حکومتی‌نی حاضرگی یوتوق‌لیکلر چکه‌سیده، اوزن مدت‌لی ریجه تیارلب و فسادگه کوره‌شیشده ملی اراده دن ایش آلیشی کیره‌ک.
افغانستان بوییچه بیرلشگن ملت‌لر تشکیلاتی نینگ خاص نماینده‌سی تدامیچی یاماموتو، جاری ییل و اوتگن ییل‌لرده افغانستان حکومتی نینگ فسادگه قرشی کوره‌شیش اوچون قیلگن سعی و حرکتی‌نی خوش قرشی‌لگن و مربوط بولگن نهادلرنی کوپراق اصلاحت کیلتیریش اوچون تشویق قیلگن.
افغانستان بوییچه بیرلشگن ملت‌لر تشکیلاتی نینگ خاص نماینده‌سی، کیله‌جک سیلاونی قولگه کیریتیلگن تجربه‌لرنی عملگه آشیریش اوچون بیر سیناو عنوان قیلگن.
