بیرلشگن ملت‌لر تشکیلاتی‌نینگ ینگی ترقتگن گزارشی‌ده کیلیشیچه، افغانستان عدلی و قضایی نهادلریگه فساد بارلیگی سبب، مذکور نهادلردن عیال‌لر ایشانچی آزه‌یگن و بولردن 65 فایزی قوم یاش اولوغ‌لریگه قیینچی‌لیک‌لرینی حل ییتیش اوچون مراجعه قیله‌دیلر.
«قضایی نظام‌ده ییتیشیلمه‌گن» عنوانلی گزارش‌ده کیلیشیچه، افغانستان عدلی وقضایی نهادلریگه فساد بارلیگی و قضیه‌لرگه صداقت بیلن ایتیشمه‌گن‌لیگی، صلاحیت‌لردن سوءاستفاده ییتیش، مذکور نهادلر مسؤول‌لری‌نینگ حرفه‌یی بولمه‌گن‌لیگی و عایله‌لرده ناتوغری فرهنگ‌لر موجودلیگی سبب، افغان عیال‌لری مذکور نهادلرده قضیه‌لری تیکشیریلیشی‌نی ایسته‌میدیلر.
گزارشگه کوره، افغانستان ولایت‌لریده عیاللرگه قرشی خشونت مساله سیده یاش اولوغ‌لر اره چیلیگی یوقاری درجه ده کورینه‌دی.
گزارش تاپگن حجت‌لر کورسه‌تیشیچه، عیاللرگه قرشی اوتکزیلگن خشونت متهم‌لر عدلی و قضایی نهادلر تامانیدن 5 فایزی جزالنگن.
بوگزارش عیاللرگه قرشی خشونت‌لر آلدی آلینیشی اوچون عدلی و قضایی نهادلردن فساد یوقه تیلیشی‌نی پیش‌نهاد قیلگن.
مذکور گزارش میلادی2014-ییل آگست آییدن باشله‌نیب 2015- ییل فبروری سیگه قدر، اولکه 18 ولایتی‌دن قوم یاش اولوغ‌لری اره چیلیگی‌گه حل ییتیلگن 110خشونت کورگن عیال بیلن سوز اوتکزیلگن.
بیرلشگن ملت‌لر تشکیلاتی‌نینگ بشر حقوقی بولیمی‌ده‌گی اورین باسری ایوان شیمونویچ 30 حمل کابلده بیر ییغین اوتکزیب ایتشیچه، اولکه 18 ولایتی‌ده خشونت قربانی بولگن عیاللردن مستند توزه‌تگن.
افغانستان اوچون بیرلشگن ملت‌لر ویژه نماینده‌سی نیکولاس هیسم، عیاللرگه قرشی خشونت‌لی قضیه‌لرقوم یاش اولوغ‌لری واسطه‌سی بیلن حل ایتیلیشی‌دن خواطر کورسته‌دی و مذکور قضیه‌لر حل ییتیلیشی اوچون عیال‌لر حقوقی کوزگه توتیلیشی قانیقتیررلی بولیشیگه شک قیله‌دی. هیسم کوپه یتیریشیچه، قوم اره چیلیگی‌گه حل ایتیلگن قضیه لر باید تیکشیریلسه.
افغانستان‌ده عیاللرگه قرشی خشونت حدسیز موجودلیگی کوزه تیله‌دی. حاضرگه قدر افغانستان‌ده عیاللرگه قرشی 25 تور خشونت ثبت بولگن، که بولردن 19 توری عیاللرگه قرشی خشونت قانونی‌گه منع ایتیلگن.
عدلی و قضایی نهادلرگه فساد موجودلیگی، خشونت عامل‌لری‌نینگ مجازات بولمه گن‌لیگی، جامعه سنتی‌لیگی، قشاقلیک و ایش سیزلیک و قیینچی‌لیک‌لرنی حل ایتیش اوچون سیاسی اراده یوق‌لیگی عیاللرگه قرشی خشونت عامل‌لریدن سنله‌دی.
