فرخنده اولیش قضیه‌سی‌نی تیکشیریش محکمه 3- اولتیریشی‌ده اونینگ مدافع وکیلی کیو مودلی، محکمه‌دن قضیه دقت بیلن تکشیریب مجرم‌لر جزاسی‌گه ییتیش‌نی سوره‌گن.
کیو مودلی حادثه روی بیرگن بیرچاغ‌ده امنیتی کوچلری بورچی‌نی یخشی بجرمه‌گن‌لیک‌گه قره‌لب، قول‌لری‌گه بولگن امکانات‌دن ایش آلمه‌گنلیک‌گه قتیق انتقاد قیلیب خلق‌نی اوز خوشی‌گه قویبیریش پولیس کوچلری‌نینگ ضعیف‌لیگی دیب بیله‌دی.
دوشنبه کون 14-ثور ده اویشتیریلگن اولتیریش‌ده کوپلب مجلس نماینده‌لری وجمهور رییس حقوقی مصحلت‌چی‌سی قتنه‌ش‌گن ایدی. محکمه اولتیریشی‌ده فرخنده قتلی‌نینگ دوسیه سی‌نی تیکشیره‌دیگن قاضی محل‌ده بولگن امینتی کوچلر قضیه توغریسی‌ده مسوؤلیت‌سیز و تفاوت‌سیز یانده‌شگن لیگی‌گه قاره‌له‌دی.
اما متهملر مدافع وکیل‌لری قضیه قاضی‌سی بولر توغریسی‌ده سلیقه‌یی کیلیش‌گن و برچه ادعالرنی اساس‌سیز بیله‌دی. پولیس کوچلری‌دن 19 کیشی اوز ایشلری‌گه غفلت قیلگن دیب قاره‌له‌گن ایدی‌لر. بوگون محکمه‌گه کیلیب اوزلری‌دن دفاع قیلدی‌لر.
ایتیلیشیچه حادثه روی بیرگن کونی امنیتی کوچلر ارا مخابرات سیستمی قیینچی‌لیک‌گه روپه‌رو بوگن ایدی. امنیتی کوچلر مذکور قضیه‌نی اوزلری ارا اویغورلیک بولمگن‌لری بیله‌دی. اما کورینیشیچه امنیتی کوچلری اوزلری‌دن دفاع قیلیش‌لری بیلن کوپلب نقصانلیک کورست‌دی و مسوؤلیتلریدن قاچیش‌لری بیلن باشقه اورتاق‌لری‌گه تشلب اوزلری‌نی بیکاره‌لیک‌گه متهم قیلدی.
محکمه باشلیغی صفی‌الله مجددی‌گه کوره، متهملر دوسیه‌سی جنجال‌لی بولکن‌لیگی سبب کیله‌جک اولتیریش چهارشنبه کون بولیب اوتیشی کوتیله‌دی.
