فرخنده قضیه‌سی تیکشیریلیشی بیلن ابتدایی محکمه تورت کیشی‌نی اعدام بولیش حکمی‌نی بیردی.
زین‌الدین‌گه تانیلگن تومار یازووچی ملازین‌العابدین، شرف بغلانی‌گه تانیلگن محمدشریف، محمدیعقوب و عبدالبشیرلر اعدام‌گه محکوم بولگن‌لردن.
شونینگ‌دیک فرخنده دوسیه سیده‌گی متهم‌لردن 8 ته سی‌نی هم 16 ییل تورمه‌گه قالیش حکمی بیریلگن و مذکور قضیه ده‌گی باشقه 18کیشی اوچون انیق دلیل بولمه‌گن‌لیگی سبب، مجریم تانیمه‌دی.
محکمه باشلیغی صفی‌الله مجددی قاچیب یورگن قضیه متهم‌لریدن اوچ کیشی‌نینگ « پهلوان»، «پادشاه» و «محمدحسن» توتیلیش حکمی‌نی بیردی. جناب مجددی‌گه کوره، مذکور جزالنیش حکمی نهایی ایمس و متهم‌لرگه استیناف تیلش حقی بیریله‌دی.
بوگونکی محکمه اولتیریشی‌ده فرخنده‌نی آنه و آته‌سی هم کیلگن ایدی و محکمه قاضی سیدن عدالت بیلن قضاوت قیلیش‌نی سوره‌دیلر.
محکمه قاضی‌سی ایشلریگه غفلت قیلگن 19 پولیس حکمی شنبه کونی اعلام بوله‌دی دیگن.
فرخنده دوسیه‌سی‌ده 49 کیشی متهم توتیلگن ایدی. باشقرلاوچی‌لیک اداره‌سی بولرنی 3 قسم‌گه اجره‌تیب، محکمه گه یوبارگن ایدی:
« فرخنده اصلی قاتل‌لری، ایش غفلتی‌گه متهم بولگن پولیس مأمورلری و صلاحیتی‌دن ایش آلمه‌گن مأمورلر».
شنبه کون 12- ثور کابل ابتدایی محکمه‌سی تامانیدن فرخنده دوسیه‌سی عاید ایشلر علنی شکلی‌ده بیرینچی مرته باشله‌نیشی بیلن، کابل امنیتی مسوول‌لری بیر عرب – افغانستان یشاوچی‌سی «پولیس کوچلری تامانیدن توتیلگن ایدی» قویب یوباریشلری اوچون، محکمه‌گه تیله‌تیلدی.
شونینگ‌دیک مذکور اولتیریش‌ده محکمه قاضی‌سی کابل پولیس ایکینچی حوزه کشفی آمرینی هم اوشبو قضیه‌ده متهم تانیلگن و باشقرلاوچی‌لیک اداره‌سی‌گه اونینگ توتیلیش حکمی‌نی بیرگن ایدی.
یک‌شنبه کونی 13- ثور فرخنده دوسیهسینی تیکشیریش ایکینچی کونیده، ابتدایی محکمه قاضی‌سی عرب – افغان یشاوچی‌سی بولگن کیشی و باشقه ایکی پولیس افسرینی توتیلیش حکمی‌نی بیردی.
مذکور اولتیریش‌ده، ایچکی ایشلر وزیرلیگی‌نینگ جنایی تحقیقات باشلیغی جنرال ظاهر ظاهر، کابل امنیه قومندانی عبدالرحمان رحیمی و باشقه کوپلب کابل پولیس باشلیغ‌لری محکمه اولتیریشی‌ده معلومات بیریش اوچون حاضربولگن ایدیلر.
فرخنده رحم‌سیزلیک بیلن هلاک و الاو بیریلگندن سونگ، عیال‌لرگه قرشی خشونت توخته‌تیش نمادیگه اوزگردی.
فرخنده دوسیهسینی تیکشیریش محکمه‌سی اوچینچی کون اولتیریشی‌ده، فرخنده مدافع وکیلی کی مودلی محکمه قاضی سیدن مذکور قضیه‌نی دقت بیلن تیکشیریب، فرخنده اصلی قاتل‌لرینی جزابیریلیشی‌نی سوره‌دی.
اولتیریش اداغی‌ده محکمه باشلیغی صفی‌الله مجددی دوسیه‌لر جنجالی کوپلیگی دلیل کیله‌سی اولتیریش چهارشنبه کون بولیب اوته‌دی دیگن ایدی.
28 یاشده بولگن فرخنده ینگی ییل‌دن ایکی کون اول، کابل شاه دوشمشیره منطقه سیده غضب لنگن کیشی‌لر تامانیدن قرآن نسخه‌لرینی اوتگه تارتدی دیگن تهمتی بیلن اولدیریلیب جسدی اوتگه تارتیلدی.
فرخنده اولیشی ایچکی و تشقی اولکه‌لرده یوکسک ناراض‌لیک‌لربیلن قرشی‌لندی. اعتراض‌چیلر دولت‌دن اونینگ اولدیرگن‌لر تیزلیک‌ده توتیلیب محکمه بولیش‌لرینی سوره‌گن ایدی.
شونینگ‌دیک مدنی جماعه‌چیلیک فعال‌لری و خلق تامانیدن فرخنده قیرغی کوتیب آلینیشی بیلن ینه بیر بار دولت‌دن اونینگ قاتل‌لری توتیلیب جزا بیریلیشی سوره‌لدی.
اعتراض‌چیلر تامانیدن شاه دوشمشیره مسجدی توغری سیده ینه بیر مرته فرخنده اولدیریلیش صحنه‌سی‌نی کورگوزمه گه قویدیلر.
