فرخنده قتلی‌نی تیکشیرووچی محکمه سه شنبه کون اوتکزگن تورتینچی محکمه ده واقعه ییریده بولگن 19 پولیس حکمی‌نی صادر قیلیش بیلن اوز پایانی‌گه ییتدی.
محکمه باشلیغی جناب مجددی نینگ ایتیشیچه، جزا قانونی اجراعاتی گه اساساً، ایکینچی حوزه پولیس آمری حسیب الله، اپراسیون و پلان آمری سید تیمورشاه، جنایی جرملر مدیری غلام نبی، ایکینچی تولی قومندانی صالح محمد و مذکور حوزه مسؤوللریدن باشقه بیری شاه محمد، ایشلری‌گه تفاوت سیز یانده شگن‌لیکلری باعث هر بیری بیر ییل حبس گه محکوم بولگن‌لر.
شونینگ‌دیک واقعه ییرده‌گی پوسته قوماندانی ناز محمد، ایکینچی حوزه بلوک قومندانی عبدالسمیع، ایکینچی حوزه منطقه‌نی باشقریش اعضاسی محمد مقیم، 020 پوسته سی قوماندانی جواد، ایکینچی بلوک قوماندانی عبدالصبور و افغان ترک مکتبی پوسته سی نینگ قوماندانی ذبیح الله لر هم بیر ییل آزادلیکدن محروم ایتیلگن.
ایکینچی حوزه اداری اورین باسری سید اسماعیل، بشری کوچلر ریاستی عمومی پوسته قوماندانی حبیب الرحمان و ایکینچی حوزه کشفی آمریت اعضاسی نور آغا، ایکی بولیم ده ایشیگه بی فرق قالگنی و صلاحیت لریدن ایش آلمه‌گنی توغریسیده دلیل بولمه‌گنی باعث قوییب یوباریلگن‌لر.
اما، ایکینچی حوزه آمریتی عسکری احمدظاهر، ایکینچی تولی اورین باسری محمدحلیم، ایکینچی حوزه عسکری عبدالوکیل، افغان ترک مکتبی پوسته‌سی عسکری اقبال و پوسته عسکری خواجه کاظم لر هم آقلنگنلر.
محکمه قاضی‌سی‌گه کوره، بو حکم لر لازم الاجرا بولمه‌گن، عیب لنگن شخصلرنی هر بیری سونگی محکمه‌لرده چیقاریلگن بو حکم اعتراض بیلدیره آله‌دی.
محکمه قاضی‌سی نینگ ایتیشیچه، خانم فرخنده دوسیه‌سینی تیکشیریش جاری ییل 16- ثور ده یکونلنگن. بیزلر هر تمانلمه تیکشیرولردن کیین بو حکم‌نی چیقاریشگه قرار آلدیک دیدی محکمه باشلیغی.
شونینگ‌دیک محکمه قاضی‌سی نینگ امنیتی کوچلر قضیه‌سی توغریسیده بولگن ادعالرنی رد ایتیب ایتیشیچه، هر بیر دوسیه‌نی تیکشیریلیشی جزا قانونی‌گه کوره، بیر آی دوام ایته‌دی؛ فرخنده‌نینگ دوسیه‌سی 9- ثور دستلبکی محکمه گه ییتیشگن. 12- ثور ده محکمه ییغین‌لری باشله‌نیب 16- ثور گچه دوام ایتکن، اوشبو مدت گه قدر فرخنده‌نینگ قتلی‌گه عیب‌لنگنلردن 30 ته‌سی نینگ دوسیه‌سی تیکشیریلگن.
جمله فرخنده قتلی‌نی تیکشیریش محکمه 20 کون دوام تارتکن. قاضیلر مذکور لایحه حکمی توغریسیده دقت سیزلیک قیلمه‌گن میز، بلکیم قانون گه اساساً آز مدت ده حکم چیقاریشگه موفق بولدیک دیگن.
بو حکم‌لر چیقاریلگنیدن کیین فرخنده قتلی گه عاید دوسیه نی تیکشیریش جریانی اونز پایانی‌گه ییتدی.
