د فراه ولايت د ولايتي شورا غړی خيرمحمد نورزی سلاموطندار ته وايي، د دغه ولایت په پرچمن ولسوالۍ کې د ملي اردو یوه هليکوپټره لوېدلې ده.
د نوموړي په وينا، ياده هليکوپټره کې د ملي اردو سرتېرو ته اکمالات کېدل چې د بېرته راتلو پر مهال د تخنيکي ستونزې له کبله لوېدلې ده.
نورزی زياتوي، سيمې ته مرستې لپاره امنيتي مرستندويه ځواکونه رسېدلي دي.
د مسوولانو د معلوماتو له مخې په تېرو ۲ کلونو کې دا درېيم ځل دی چې په دې ولايت کې د ملي اردو هليکوپټره لوېږي.
