د فراه د والي ویاند ناصر مهري سلام وطندار ته وویل نن سهار د ملياردو یوه چورلکه د یاد ولایت د اناردرې ولسوالۍ کې له غره سره له لګېدو وروسته را لوېدلې ده.
د ښاغلي مهري په خبره، د دې پېښې په پایله کې ۲۵ تنه وژل شوي چې په وژل شویو کې د ۲۰۷ ظفر قولاردو مرستیال نعمتالله خلیل، د فراه د ولایتي شورا مشر فرید بختور، د همدې شورا غړې جمیله امیني او د ملياردو او ملي پولیسو یو شمېر منصوبین او افسران هم شامل دي.
د فراه د والي ویاند د یادې پېښې لامل د هوا خرابوالی په ګوته کړ.
د فراه د ولایتي شورا مرستیال شاه محمود نعمتي هم وایې، نن سهار له فراه نه هرات ته دوې چورلکې په لاره وې چې یوې یې د لارې په اوږدو کې را لوېدلې ده.
د ښاغلي نعمتي په وینا، په را لوېدلې چورلکې کې د فراه ځايي چارواکي او د ولایتي شورا غړي ناست وو.
دا په فراه ولایت کې د ملياردو دویمه چورلکه ده چې په وروستیو دوو میاشتو کې را لوېږي.
طالبانو اعلان وکړ چې دا چورلکه د دوی د ملګرو د برید په پایله کې را لوېدلې؛ خو د فراه ولایت ځايي چارواکي بیا دا ادعا بېبنسټه بولي.
