فراه ولایتی محلی رسمی‌لری‌نینگ ایتیشیچه، کابل‌دن هرات تامان باره‌یاتگن یولاوچی تاشیدیگن بیر موتر ییقیلیشی نتیجه‌سیده 17 کیشی هلاک بولیب و باشقه 36 کیشی یره‌لنگن.
فراه حاکمی سوزلاوچیسی محمدناصر مهری‌نینگ سلام‌وطندارگه ایتیشیچه، اوشبو ترافیکی واقعه (جمعه کون) کیچ قورون فراه ولایتی بالابلوک تومنی‌نینگ پل جنجالک منطقه‌سیده یوزبیرگن. جناب مهری‌گه کوره، اوشبو واقعه یره‌دارلری، هرات حوزه‌وی کسلخانه‌سی، فراه حربی کلینیکی و نیمروز ولایتی کسلخانه‌سیگه ییتکیزیلگن.
فراه حاکمی سوزلاوچیسی‌نینگ ایتیشیچه، اوشبو واقعه یره‌دارلری‌نینگ احوالی آغیر بولگن. عین حالده، هرات حوزه‌وی کسلخانه رسمی‌لری‌نینگ ایتیشیچه، اوشبو واقعه یره‌دارلریدن بیرقطاری، عاجل بولیمی‌ده یاتقیزیلگن، بیراق ساغلیک احوال‌لری یخشی ایمس دیر.
فراه محلی رسمی‌لری، حددن تشقری چاپتیریش و ترافیکی قانونلر نظرگه آلینمه‌سی‌نی بونده‌ی واقعه‌لر عاملی دیب بیله‌دی. بیراق، کابل- هرات قتناو یولی‌نینگ قطار یشاوچی‌لری و یولاوچی‌لری‌نینگ ایشانچی‌گه کوره، اوشبو یول هیداوچی‌لریدن کوپینچه‌سی مخدره ماده اینیقسه چرس بنگی‌سی بولگن.
