فراه ولایت کینگشی اعضاسی شهلا ابوبکرنینگ سلام‌وطندارگه ایتیشیچه، طالبان گروهی نینگ تهدیدی باعث، مذکور ولایتده تورت کوندن بویان روشن، افغان بی‌سیم، اتصالات و ام‌تی‌ان مخابراتی ترماقلری نینگ فعالیتی کیسیلگن.
اونگه کوره، حاضر اوشبو ولایتده یالغیز سلام دولتی ترماغی ایش بیره‌دی. لیکن بو ترماق هم یخشی ایش بیرمه‌یدی.
ولایت کینگشی نینگ اوشبو اعضاسی، بو موضوع گه نسبتن حکومت نینگ دقت‌سیزلیگی‌دن تنقید قیلیب ایتیشیچه، اوشبو ولایتده مخابراتی ترماقلرنینگ فعالیتی کیسیلگنی اهالی نینگ کوپینچه قیین‌چیلیک‌که روپه ره قیلگن.
شونینگدیک، فراه مدنی فعاللریدن بیری عبدالرحمان ژوندی، اوشبو ولایتده مخابراتی ترماقلرنینگ فعالیتی کیسیلگنیدن خواطر بیلدیریب ایتیشیچه، مخابراتی ترماقلرنینگ فعالیتی کیسیلگنی باعث، ولایت یشاوچیلری اینیقسه سوداگرلر زیان کوریشگن.
.jpg)
عین دمده، فراه یشاوچیلریدن بیرقطاری نینگ ایتیشیچه، تورت کوندن بویان مخابراتی ترماقلرنینگ فعالیتی کیسیلگنی باعث، باشقه ولایت‌لرده بولگن قرینداشلری و کسل‌لریدن خبرسیز قالیشگن.
شونینگدیک، اوشبو موضوع توغریسیده فراه ولایتی بوییچه مخابرات ریاستی نینگ فکرینی اورگه‌نیش اوچون علاقه قوردیک، بیراق مذکور اداره نینگ مسؤوللری صحبت بیریش گه حاضر بولمه‌دی.
بیراق، فراه پولیس قومندانلیگی نینگ سوزلاوچیسی محب‌الله محب، خصوصی مخابراتی ترماقلرنینگ فعالیتی طالبان تامانیدن کیسیلگنینی رد قیلیب ایتیشیچه، خصوصی مخابراتی ترماقلرنینگ فعالیتی کیسیلیش سببی فنی قیین‌چیلیک بولیشی ممکن.
طالبان گروهی حاضرگچه بو توغریده هیچ نرسه دیمه‌گن.
