دا پېښه پرون مازدیګر د دغه ولایت په بالابلوک ولسوالي کې شوې ده.
د فراه د پولیسو ویاند محبالله محب سلاموطندار ته ویلي چې د بالابلوک ولسوالي په «شیوان» سیمه کې پر دوو کورونو د هوان څو ګولۍ لګېدلي چې له کبله یې ۴ ماشومان وژل شوي دي.
د نوموړي په وینا، یاد راکټونه د طالبانو له لوري د خلکو پر کورونو ويشتل شوي دي.
د بالابلوک ولسوالي یوشمېر اوسېدونکي هم وايي چې په یاده پېښه کې دوه تنکي ځوانان او یو ماشوم ټپي شوی دی.
دوی وايي، تر اوسه روښانه نه ده چې دغه راکېټونه د طالبانو که د امنیتي ځواکونو له لوري ويشتل شوي، خو په وینا یې، دولت باید دا پېښه وڅېړي.
طالبان ادعا کوي چې یاد راکټونه د افغان پوځ له لوري ويشتل شوي، خو امنیتي ځواکونه وايي، دا کار طالبانو کړی دی.
