د فاریاب امنیتي مسوولان په دغه ولایت کې د یوې ښځې او ۳ ماشومانو د وژل کېدو خبر ورکوي.
د فاریاب د امنیې قومانداني ویاند عبدالکریم یورش وايي، یاد ملکي وګړي د دغه ولایت په قیصار ولسوالي کې د طالبانو له لوري د یوه توغول شوي راکېټ له کبله وژل شوي دي. په دې پېښه کې یوه بله ښځه هم ټپي شوې ده.
د نوموړي په وینا، طالبانو غوښتل چې په قیصار ولسوالي کې د امنیتي ځواکونو یوه پوسته په نښه کړي، خو راکېټ یې پر یوه کور لګېدلی دی.
طالبانو تر اوسه په دې اړه څه نه دي ویلي.
د یادونې ده چې کورنیو چارو وزارت څه موده مخکې اعلان وکړ چې په ۲۰۱۹ زېږدیز کال کې له ۲ زرو ډېر ملکیان د طالبانو په بریدونو کې وژل شوي او له ۵ زرو ډېر ټپیان شوي دي.
اړوند مطالب:
سرپل کې ناپېژنده کسانو د یوې ښځې سر پرې کړی؛ کاپیسا کې دوو نجونو ځانونه وژلي
