د فاریاب ځېنې اوسېدونکي په دې ولایت کې د ګازو بیې له لوړېدلو څخه شکایت کوي.
دوی وايي، په تېرې یوې میاشت کې د ګازو بیې له ۴۲ افغانیو ۷۰ افغانیو ته لوړې شوېدي چې زیان یې عامو خلکو ته رسېږي.
د فاریاب ولایت اوسېدونکي میرویس او فیضالله وايي، خلک بېوزله دي او په لوړه بیه ګاز نهشي پېرلی. دوی له حکومته غواړي چې د یادې ستونزې حل لهپاره لاس پهکار شي.
بلهخوا د فاریاب د نفتيتوکیو سوداګر د یادو بیو لوړوالی د شمالي ولایتونو په لویو لارو کې ناامني بولي.
سوداګر حاجي عطاالله وايي، په لویو لارو کې جګړه وي او هېڅوک د دې جرئت نهلري چې په اسانۍ سره یو موټر ګاز یا تېل له جوزجان ولایت څخه فاریاب ته ولېږدوي.
خو د فاریاب د نفتو مدیر کنشکا رویا وايي، د نورو ولایتونو په څېر دې ولایت کې د نفتي توکو زېرمې نهشته چې په بېړنیو حالاتو کې ورڅخه کار واخلي او همدا لامل دی چې په فاریاب کې د ګازو بیې لوړې شوېدي.
د فاریاب د نفتيتوکیو مدیریت پهدې ولایت کې د ګازو بیو لوړېدلو د مخنیوي لهپاره ټولو سوداګرو ته امر کړی چې د نفتيتوکو واردات له ۴۰ ټنو څخه ۴۰۰ ته ورسوي.
