اوتگن چهارشنبه کیچه فاریاب ولایتی‌نینگ خواجه سبزپوش تومنی و پولیس قومندانلیگی بنالری اوستیگه قورال‌لی طالبلر تامانیدن هجوم اویوشتیریلگن.
محل رسمی‌لری‌نینگ ایتیشیچه، طالب‌لرنینگ بو هجومی امنیتی کوچلر تامانیدن آرقه‌گه چیکیلتیریلگن.
خواجه سبزپوش ولسوالی عبدالله معصومی‌نینگ سلام‌وطندارگه ایتیشیچه، اوتگن کیچه ساعت 9 اطرافیده قورال‌لی طالبلر تومن مرکزی غربی تپه‌لریدن تومن بناسی و پولیس قومندانلیگی اوستیگه راکت آتگن، بیراق امنیتی کوچلر قرشی‌لیگی‌گه روپه‌ره بولگن.
جناب معصومی‌نینگ ایتیشیچه، امنیتی کوچلر بیلن طالبلر اورته‌سیده‌گی توقنه‌شوو بیر یریم ساعت‌دن کیین یکونلنگن و طالبلر آرقه‌گه چیکیلتیریلگن.
فاریاب ولایتی خواجه سبزپوش ولسوالی‌نینگ ایتیشیچه، بو توقنه‌شووده امنیتی کوچلرگه زیان ییتمه‌گن، بیراق راکت اوقی نتیجه‌سیده تومن و پولیس قومندانلیگی بنالری‌نینگ شیشه‌لری سینگن و شونینگ‌دیک، ایکی بنانی ایریم قسمت‌لری زیان کورگن.
شونینگ‌دیک، جناب معصومی‌نینگ ایتیشیچه، اوشبو توقنه‌شووده اوچ جنگری طالب یره‌لنگن.
عین حالده، فاریاب طالب لری، خواجه سبزپوش تومنی و امنیه قومندانلیگی بنالری اوستیگه هجوم اویوشتیرگنینی ایتگن؛ بیراق جنگری‌لری یره‌لنگنی توغری‌سیده هیچ نرسه دیمه‌گن.
