فاریاب ولایتی بلچراغ تومنی‌نینگ رسمی‌لری، مذکور تومن سقوط قیلگنیدن خبر بیره‌دیلر.
سلام‌وطندارگه صحبت بیرگن بلچراغ تومنی ولسوالی عبدالجمیل، مذکور تومن مرکزی قوراللی طالب‌لرنینگ نظارتی‌گه اوتگنینی تصدیق‌لب ایتیشیچه، اوشبو تومنده امنیتی کوچلر و پولیس عسکرلری‌نینگ سانی آز دیر و بوندن آلدین، بو تومن‌نینگ خوفسیزلیگی مردمی کوچلر تامانیدن تأمین بولردی. بیراق، کولیان طالب‌لرنینگ نظارتی‌گه اوتیب و مردمی کوچلردن 43 ته‌سی هلاک ایتیلگنیدن سونگ، اولر مقاومتی‌نی قولدن بیریب و بلچراغ نی ترک قیلگن‌لر؛ بو وضعیت مذکور تومن سقوطی‌گه سبب بولگن.
شونینگدیک، فاریاب ولایت کینگشی اعضاسی صبغت‌الله سیلاب، بلچراغ تومنی اوتگن کیچه قوراللی طالب‌لرنینگ نظارتی‌گه اوتگنینی تصدیق‌لگن.
بو توغریده فاریاب پولیس قومندانلیگی فکرینی اورگه‌نیش اوچون علاقه قوردیک، بیراق تکرار سعی و حرکت نتیجه‌سیده مؤفق بولمه‌دیک.
