فاریاب ولایتی‌نینگ قیصار تومنی‌ده ملی پولیس بیلن محلی پولیس اورته‌سیده یوز بیرگن قوراللی توقنشو نتیجه‌سیده 5 کیشی حیاتدن کوز یومگن و 7 نفر یره‌لنگن. عینی گواه‌لر، توقنشوو قیصار تومنی‌نینگ امنیه قوماندانی نظام‌الدین قیصاری بیلن فاریاب ولایتی نینگ ولسی جرگه ده‌گی وکیلی فتح الله قیصاریگه وفادار محلی پولیس کوچلری اورته‌سیده یوز بیرگن.
فاریاب ولایتی‌نینگ مجلس‌ده‌گی وکیلی فتح الله قیصاریگه کره، اوروش ایکّی عمه‌ک بچه اورته‌سیده روی بیرگن بو مساله اصلا محلی پولیس‌گه تیگیشلی ایمس دیگن. جناب قیصاری عبدالرحمن و نورمحمد لر ایکی‌سی هم پولیس قوماندانلیگی نینگ تشکیلی‌ده خذمت قیله دیلر دیدی.
فاریاب ولایتی قیصار تومنی نینگ حاکمی رحمت الله قیصاری‌نینگ سلام‌وطندارگه ایتیشیچه، مذکور عمه‌ک‌بچه‌لر اورته‌سیده اوزاق مددت دن بیری شخصی خصومت بولگن. قیصاریگه کره، آتیشمه کوپیگن دن کیین نور محمد ابه‌سی‌نینگ اوغلی بیلن قیصار تومنی نینگ بازاریده اوروش‌گه باعث بولگن.
فاریاب ساغلیق‌نی سقلش اداره‌سی نینگ باشلیغی دکتر معروف ثمر نینگ سلام‌وطندارگه بیلدیریشیچه، توقنشو ییریدن 5 جسد و یره‌لنگن 7 کیشی بو اداره‌گه آلیب کیلنگن دیگن. ثمر، یره‌لنگن‌لردن ایکی کیشی‌سی بلاغت‌گه ییتمه‌گن کودک دیگن.
فاریاب پولیس قوماندانلیگی‌نینگ خوفسیزلیک آمری میر امان‌الله خبرنی تصدیق‌لب، توقنشو ملی پولیس بیلن محلی پولیس کوچلری اورته‌سیده روی بیرگن دیدی. پولیس قوماندانلیگی‌نینگ خوفسیزلیک آمری اوروش ده 2 نفرنینگ یاستیغی قوریگن و بیر نفر یره لنگن دیگن.
پولیس خوفسیزلیک آمری هنوزگچه واقعه‌نینگ اصلی سببی معلوم بولمه‌گن لیگینی ایتگن. اونگه کوره، بو حقده تیرگاو باشلنگن. بو توغریده قیصار تومنی امنیه قوماندانی نظام‌الدین قیصاری‌نینگ فکرینی اورگه‌نیش اوچون سعی وحرکت قیلدیک، اما موفق بولمه دیک.
