فاریاب حج و اوقاف ریاستی مسئوللری بو ولایت یشاوچی‌لریدن، کرونا ویروسی نینگ آلدینی آلیش اوچون جماعت نمازی گه اشتراک قیلمه‌ی و مذکور ویروس نینگ جامعه و عایله‌لریگه انتقال بیرمه‌سلیک‌لرینی سوره‌شگن.
فاریاب حج و اوقاف ریاستی باشلیغی گل‌احمد لطفی اوشبو ولایت یشاوچی‌لریدن، حاضر جماعت نمازی نی ترک قیلیب و تراویح نمازی نینگ اویده اوقیش‌لرینی سوره‌گن.
اهالی گه خطاب جناب لطفی نینگ ایتیشیچه، کرونا ویروسی نینگ سیاسی بیر موضوع بیلمه‌ی و کرونا ویروسی نینگ آلدینی آلیش اوچون مسجدلرگه کیتمه‌سلیک‌لری کیره‌ک.
اونینگ کوپه‌یتیریشیچه: «پیامبر اکرم (ص) زمانی گه 25 مینگ صحابه طاعون کسل‌لیگی باعث جان بیردی و پیامبر (ص) بونده‌ی کسل‌لیکلردن قاچیش نی سوره‌گن.»
لطفی نینگ اورغولشیچه، شو یوزه‌دن مسلمان‌لر کرونا ویروسی نینگ جدی آلیب و ساغلیک توصیه‌لرنی عملی قیلیش‌لری کیره‌ک.
مذکور ولایتده جماعت نمازی یولگه قوییش نی حاضرگچه هیچ بیر مسجد تعطیل قیلمه‌ی و شونینگدیک جمعه کون‌لری یوزلرچه کیشی بیر مسجد ده جمعه نمازی نی اوقیگن بیر حالده، فاریاب حج و اوقاف ریاستی باشلیغی بو ولایت یشاوچی‌لریدن کونده‌لیک و تروایح نمازی نی اویده اوقیش‌لرینی سوره‌گن.
عین حالده، فاریاب حاکمی نقیب‌الله فایق نینگ ایتیشیچه، بو ولایتده کرونا ویروسی کونسایین کینگه‌یماقده و اهالیدن ساغلیک توصیه‌لرنی عملی قیلیش بیلن کرونا ویروسی گه قرشی تیم‌لر بیلن همکارلیک قیلیش‌لرینی سوره‌گن.
فاریاب ده حاضرگچه کرونا ویروسی نینگ 8 ایجابی واقعه‌سی قید ایتیلگن کیم بولردن 3 ته‌سی دارولنگن و باشقه 2 ته‌سی ایسه جان بیرگن.
