قندوز شهری قورال‌لی طالب‌لر اشغالیگه اوتگن‌دن سونگ، فاریاب اهالیسی بیر ییریک ییغین اوتکزیب مذکور ولایت‌نینگ محلی بلند مرتبه‌لی رسمیلریدن اهالی یانیده بولیب هیچ بیر زمان مملکت‌دن قاچیش نیتده بولمس‌لیکلرینی سوره‌گنلر.
فاریاب ولایتی نینگ اهالیسی مذکور اظهارات‌لرنی بوگون (چهارشنبه) قندوز ولایت والیسی عمر صافی اروپا مملکت‌لریگه قاچگنی توغریسیده گزارشلر ترقه‌تیلگن بیر پیتده تیل‌گه آلماقده‌لر.
ایتیلیشیچه، قندوز ولایتی جنگریلر تامانیدن تصرف ایتیلگن‌ده ولایت والیسی خارجده بولگن. اوتگن کون مملکت ملی کینگشی نماینده‌لری اونینگ محاکمه ایتیلیشی‌نی سوره‌گنلر.
عین حالده، افغان ملی کوچلری همده فاریاب خلقی نینگ مذکور حرکتینی خوش قرشیله‌گن ولایت سرپرستی عبدالستار بارز «قندوز تاریخی» خطاسی هیچ بیر زمان مذکور ولایت‌ده یوز بیرمس‌لیگی حقیده تاکیدله‌گن.
جناب بارزگه کوره، اوشبو خطا باشقه‌لر تامانیدن عمل‌گه آشیریلگن، اما اونینگ دردینی بو کیچه و کندوزده اوز عزیزلرینی قولدن بیرگن خانه‌دانلر تارته‌دی.
شونینگ‌دیک بارز اهالی محلی حکومت رسمیلری خلق یانیده قالیشینی سوره‌گنی باره‌سیده ایتیشیچه، «بیزلر ولایت اینیقسه تشقری مملکت‌لرگه کیتیش اوچون پاسپورتیمیز یوق»
قندوز شهری سقوط قیلگندن کیین بوگون میمنه شهریده سیاسی حزب‌لر باشلیغ‌لری، دین عالملری، مدنی جماعه‌چیلیک فعاللری، قوم یاش اولوغلری و یاش ییگیت‌لر ملی کوچلردن حمایت بیلدیریب ایتیشلریچه، مرکزی حکومت فاریاب ولایتی امنیتی اوچون جدی چاره تدبیر کورمه‌گن حالده، میمنه شهری هم قورال‌لی طالب‌لر اشغالیگه اوتیشی ممکن.
فاریاب ولایت مرکزی میمنه شهری‌نینگ اهالیسی، ولایت‌نینگ اطراف حدودلریده قورال‌لی طالب‌لر حضوری باره‌سیده تشویش بیلدیریب ایتیلشیلریچه، مذکور ولایت‌ده نابرقرارلیک آشگنی‌نینگ بیرینچی عاملی امنیتی اداره‌لر اورته‌سیده هماهنگلیک یوق لیگی دیر.
شونینگ‌دیک اهالی میمنه شهریده قورال‌لی طالب‌لرنینگ خانه‌دانی موجودلیگی توغریسیده خواطر بیلدیریب، امنیتی رسمیلردن اوشبو عایله‌لر قولگه آلینیشینی سوره‌گنلر.
اولرگه کوره، قورال‌لی طالبلرگه قره‌شلی اوشبو کیشیلر شهر ایچکریسیدن طالبلرگه گزارش بیره‌دی. جنگری طالب‌لر اوشبو شهرگه هجوم قیلیش اوچون زمنیه تاپگن حالده، انه شو کیشیلر شهردن توریب طالبلرگه همکارلیک قیله‌دی.
عین حالده، فاریاب امنیه قوماندانی سبحان‌قل ابراهیمی، ولایت‌ده طالب‌لر هجومیگه قرشی هر قنده‌ی چاره تدبیر آلینگن‌لیگی‌دن سوز بیرگن. اونگه کوره، قندوز ولایتی سقوط قیلگندن کیین پولیس امنیتی پوسته‌لری کوپراق حربی جهازلر بیلن تجهیز ایتیلگن. افغانستان شمالی‌ده جایلشگن فاریاب ولایتی نا برقرار ولایتلردن سنه‌له‌دی. قندوز شهری سقوط قیلگندن سونگ اوشبو ولایت اهالیسی‌نینگ خواطری آشگن.
