پیش‌بین لیک‌لرگه کوره، فاریاب ولایتیده جنرال عبدالرشید دوستم حضوریده اوتکزیلگن حربی تازه‌لش عملیات بو ولایتده دولت حاکمیتی یریم شکلی‌ده بولسه هم تامین بولیشی‌گه سبب بولدی. جنرال دوستم طرفدارلری و اهالی نی بسیج قیلیش و ملی کوچلر عملیاتینی حمایت قیلیش بیلن ولایت‌نینگ ایریم منطقه‌لریده قورال‌لی طالب‌لرنینگ مهم مرکزلرینی نابود قیلدی. جنگری طالبلر اوز طرفدارلری همکارلیگی بیلن مذکور ولایت‌نینگ ایریم حدودلری جمله‌دن قیصار و المار ولسوال‌لیک‌لری‌نینگ کته قسمی‌نی اوز نظارتی‌گه آلگن ایدی. حتی ایریم وقت‌لرده طالبلر میمنه شهریگه یقین قیشلاق‌لرده هم اورنشگن ایدی. انه شونده‌ی بیر کون‌لرده اهالی میمنه طالبلر نظارتی‌گه اوتیشی توغری‌سیده تشویش‌ده ایدی. مذکور ولایت قورال‌لی طالبلر تصرفی‌گه اوتیب بو ولایتده دولت حاکمیتی اوز پایانی‌گه ایریشیشی تصور قیلینردی.
طالبلر گروهی اوزلری اوچون فاریاب‌ده امنیتی تامین ایتیلگن اکمالاتی خط توزگن ایدی. طالبلر ایریم یول‌لر بیلن هلمندنی غور ولایتی‌نینگ ایریم بولیم‌لری بیلن باغله‌گن ایدی. اوشبو گروه غورماچ ولسواللیگینی فعالیت مرکزیگه ایلنتیرگن ایدی. طالبلر نظارتی‌ده بولگن بالامرغاب‌نی اوز کنترول‌لریگه آلیب شو یول بیلن اوزلرینی قیصار و المار ولسوال‌لیکلریگه ییتکزگن. طالب‌لرنینگ نیتی هلمند ولایتی‌دن ترکمنستان جمهوریتی چیگره‌سی بیلن باغله‌نیش بولگن. قورال‌لی طالب‌لرنینگ غورماچ، بالامرغاب، قیصار و المار ولسوال‌لیک‌لریده‌گی امکانیت‌لر اوشبو گروهنی ترکمنستان جنوبی چیگره‌لریگه قول تاپیش‌گه یقین قیلگن. هلمند ترکمنستان جمهورلیگی بیلن قوشیلگن حالده، قورال‌لی طالبلر مخدرماده‌لر همده قورال اسلحه‌نی قاچاق قیلیش اوچون اساسی بیر یول‌گه صاحب بولردیلر. شونینگ‌دیک طالب‌لرنینگ رهبرلری کونی کیلیب اورته آسیا دولت‌لرینی تهدید قیلیش‌گه اولگورردی. اولرنینگ ترکمنستان چیگره‌سیده جایلشیشی اوشبو نیت‌گه ایریشیش اوچون قولی‌لیک یره‌تردی.
کورینیشیچه طالبلر ایچیده داعش گروهی اوچون فعالیت قیله دیگن لرهم اوز جنگریلرینی مرکزی آسیا چیگره‌لریده یقین لشتیریش اوچون سعی وحرکت آلیب بارردی و سونگی باسقیچ‌ده اوز وفادارلیک‌لرینی ابوبکرالبغدادی دن آچیق روشده اعلان قیلیشلری کوتیلردی. ترکمنستان و باشقه مرکزی آسیا دولت‌لریگه قوشنی ولایت‌لر طالبلر اوچون ییریک فایده سنه‌له‌دی. طالبلر مذکور چیگره‌لرده ییرلشگن تقدیرده، ترکمنستان، اوزبیکستان و باشقه مملکت‌لردن تیزلیک بیلن باج آلیش‌گه موفق بولردی. بو مملکت‌لردن باج آلیش طالب خزانه‌سینی کوچلنتیریش امکان‌دن اوزاق ایمس. شونینگ‌دیک طالبلر حرکتی ترکمنستان چیگره‌سیده ییرله‌شیشی بیلن مخدر ماده‌لر قوشیمچه قورال اسحله‌نی قاچاق ایتیش اوچون اساسی زمینه گه ایگه بولردیلر.
جنرال دوستم همده ملی کوچلرنینگ فاریاب ولایتیده حربی عملیات اوتکزمه‌گن ایدی جنگری طالبلر آسانلیک بیلن شمال‌ده فاریابنی اوز فعالیت‌لری مرکزیگه ایلنتیررردی. طالبلر آسانلیک بیلن فاریابنی هلمند آرقه‌لی تامین‌لب اوز حضورلرینی فاریاب‌ده مستحکم له‌شیشی انیق سوز ایدی. قورال‌لی طالب‌لرنینگ قندوز کبی ولایتده حضوری اونچه‌لیک پایدار حسابلنمس‌دی، چونکه قندوز جفرافیه‌وی نقطه نظردن پاکستان چیگره‌سیده انچه آلیس‌ده جایلشگن. انه شو سبب مذکور ولایتده حضورلری اونچه‌لیک اهمیتلی ایمس. اما، فاریاب ولایتی هلمند بیلن تیزلیک‌ده باغله‌نیشی اوچون جنگری طالبلر اوچون کیلدی همده استراتیژیک اهیمت‌گه ایگه.
حاضر ایسه افغانستان ملی کوچلری همده جمهور رییس بیرینچی اورین باسری جنرال دوستم رهبرلیگی‌ده اوتکزیلگن حربی عملیات قورال‌لی طالب‌لرنی اوشبو ولایتده کوچ‌سیزلنتیردی. کورینیشیچه فاریاب ولایتی بوتونلی شکلده جنگریلردن تازه‌لنگن. ایندی ایسه ملی کوچلر بو ولایتده قیله دیگن فعالیت‌لری طالب‌لرنی قیته‌دن بو ولایت‌گه قیتمسلیگی اوچون سبب بولیشی لازم. بوندن تشقری هلمند ولایتیده ییرلشگن ملی کوچلر مذکور ولایتده هم جنگرلرنی نابود قیلیشلری شرط.
هلمند ولایتی‌نینگ موسی قعله ولسوال‌لیگی سقوط قیلیشی ملی کوچلر اوچون خوش خبر ایمس ایدی البته. مذکور ولسوال‌لیک افغان ملی کوچلری قولی‌گه اوتیشی بیلن ملی کوچلری بو ولسوال‌لیک‌نی بوتونلی طالب‌لردن تازه‌له‌شیشی کیره‌ک. فاریاب ولایتی‌دن هیده‌لگن جنگری طالبلر هلمند ولایتی‌گه قاچیب بارگن‌لیکلری نا توغری گپ ایمس.
جاری ییل‌ده افغان ملی کوچلری کته تلفات بیریب مملکت‌نینگ ایریم ولایت‌لرینی سقلش‌گه قادر بولدی. افغانستان‌لیکلر هر دایم ملی کوچلرنینگ بو جان فشان‌لیکلرینی آلقیش لیدیلر. اما ایندی ایسه قورال‌لی طالبلر کوپ سانده کوزه‌تیله دیگن ولایت‌لر جدی شکلده مذکور جنگریلردن تازه له‌نیشی کیره‌ک.
فاریاب ولایتی نینگ امنیتی بیمه بولیشی اوچون یوقاریده ایسه تیلگن تدبیرلردن علاوه مرکزی حکومت هم بو توغریده جدی آدیم کوتاریشی تاکیدلنه‌دی. قیشلاقلرنی رواجلنتیریش وزیرلیگی قیصار و المار ولسوال‌لیکلریده ینگی قیته قوریش لایحه‌لرنی قول‌گه آلیشی ضرور. شونینگ‌دیک افغانستان معارف وزیرلیگی اوشبو تومن‌لرده‌گی مکتب‌لرنی قیته قوریب عین حالده محلی ارگان‌لر اداره‌سی اهالینی حمایتی‌نی کسب قیله دیگن شخص‌لرنی مهم لوازم‌لریگه تعین قیلیشی کیره‌ک.
فاریاب نفوذی اختیاریده بولگن جنرال دوستم ملی اسلامی جنبش حزبی ضرر کورگن منطقه‌لرنی مردمی ترماق‌لر ایجاد قیلیب اهالی بیلن ملی کوچلر اورته‌سیده هماهنگ‌لیک بولیشی اوچون سعی وحرکت قیلینیشی کیره‌ک. مذکور ترماق دولت‌گه قرشی هرقنده‌ی فعالیت‌نی دولت‌گه خبر بیریشی لازم.
