فاریاب‌ده 209 شاهین قول اردو بیرینچی لوا سوزلاوچیسی محمدرضا رضایی‌نینگ سلام‌وطندارگه ایتیشیچه، المار، قیصار، شیرین‌تگاب، خواجه سبزپوش و پشتون‌کوت تومن‌لری‌نینگ قولدن کیتگن قیشلاق‌لری قیته‌دن آلیش اوچون اوچینچی «قلیچ» ناملی عملیات جمعه کون ایرته‌لب باشلنگن ایکن.
رضایی‌نینگ ایتیشیچه، امنیتی‌کوچلر کمیده آلتی کیلومتر آلغه بارگن، خلق کوچلری و محلی پولیس‌لر بو اوروش‌ده، حربی‌کوچلر‌گه همراه‌لیک قیله‌دیلر.
جناب رضایی‌نینگ معلوماتی‌گه کوره، بو اوروش‌ده حاضرگچه 10 طالب هلاک بولگن و باشقه 6 ته‌سی یره‌لنگن، شونینگ‌دیک طالب‌لرنینگ قورال اسلحه‌لری امنیتی‌کوچلر قولی‌گه توشگن.
جناب رضایی‌گه کوره، اوروش اولتیریش منطقه‌لرگه تارتیلگنی باعث، آلغه باریش بو منطقه‌ده سسه‌یگن.
عین حالده، فاریاب ولایتیده طالب‌لر امنیتی‌کوچلر بیلن اوروشگنینی تأیید قیلیب ایتیشیچه، اولر بیر محلی پولیس‌نینگ ایتی سلیق منطقه‌سیده اولدیرگن و باشقه محمدخان آتلی قومندان شامل ایکی کیشی‌نینگ یره‌لنتیرگن.
شونینگ‌دیک ترقه‌تیلگن گزارشلرگه کوره، گرزیوان تومنی غُلبیان منطقه‌سیده محلی‌کوچلر و طالب‌لر اورته‌سیده ایکی کوندن بویان آغیر اوروش دوام ایتماقده.
فاریاب ولایتی کینگش عضوی صبغت‌الله مولوی زاده‌نینگ ایتیشیچه، غُلبیان‌ده عبدالصمد رهبرلیگی‌ده محلی پولیس‌کوچلری و طالب‌لر اورته‌سیدن آغیر اوروش باشلنگن.
عین حالده، دولت‌آباد تومنی باشلیغی‌نینگ سلام‌وطندارگه ایتیشیچه، بوگون شنبه ایرته‌لب یوزلرچه طالب بو تومن‌نی ایریم قیشلاق‌لریده جایلشگن و خلق‌نینگ اویلرینی ترک ایتیش‌گه مجبور قیلگن.
اونینگ ایتیشیچه، طالب‌لر تامانیدن قتناو یول‌لرده‌گی پوسته‌لر اوستی‌گه هجوم اویوشتیریلیشی ممکن.
فاریاب سونگی آیلرده مملکت ناتینچ ولایت‌لریدن بیری بولدی و طالب‌لر نیچه مرته بو ولایت اوستی‌گه هجوم اویوشتیردی.
