فاریاب ولایتی خواجه سبزپوش تومنیده بیر بوی قیز اوزینی «چره‌یی» قورالی بیلن آتیب اولدیردی.
فاریاب پولیس امنیت آمری بریالی بشریار پروانی‌نینگ سلام‌وطندارگه ایتیشیچه، ذکیه ناملی اوزینی اولدیرگن 16 یاشده بولگن قیزگینه بوگون(چهارشنبه) توشدن آلدین اولتیره‌دیگن اوییده قورال واسطه‌سی بیلن خودکش‌لیک قیلگن.
اونینگ بیلدیریشیچه، بوقیز نامزاد ایکن و شوحاضر نامزادی ایرانده حیات کیچیره‌دی.
فاریاب پولیس امنیت آمری، خودکش‌لیک انگیزه‌سی عایله‌وی قیینچی‌لیکلردن کیلیب چیقه‌دی دیگن و بوباره‌ده امنیتی کوچلر تیکشیروولرینی اوتکزیشلری جریانیده ایکن‌لیگی باره‌سیده اورغوله‌گن.
نیچه پیت آلدین هم اوشبو تومنده بیر قیز اوزینی آسیب اولدیرگن ایدی.
فاریاب ولایتی عایله‌وی قیینچی‌لیکلر یوقاری سطح‌ده بولگن‌لیگی باعث، عیاللر خودکش‌لیک قیلیش باره‌سیده یوقاری سطح‌ده قرار تاپگن.
شونینگ‌دیک فاریاب ولایتی قورالی جنگریلرنینگ یوکسک فعالیتی‌گه شاهد و شوسونگی کونلرده امنیتی کوچلر یوکسک عملیاتلرنی جمهور رییس بیرینچی اورین باسری جنرال عبدالرشید دوستم رهبرلیگی‌گه اویوشتیریب کیلماقده.
