شورچه، فاریاب ولایتی پشتونکوت تومنی‌نینگ اوزاققه قالگن قیشلاقلردن بیری دیر کیم مذکور قیشلاق یشاوچیلری چارواچیلیک و ایکینچیلیک بیلن شغللنگن.
مذکور قیشلاق یشاوچیلری ییل‌لردن بویان ایش‌سیزلیک، قشاقلیک و بخت‌سیزلیک بیلن روپه‌رو بولگنلر.
اوشبو قیشلاق یشاوچی‌لریدن نقیب‌الله، عزت‌الله و یارمحمد موجود قشاقلیک و بخت‌سیزلیک باعث قربان هییتی اوتگنیدن کیین، قرض آلگن پوللری بیلن قوشنی مملکتلرگه کیتیب و تینچ بیر حیات اوتکزماق نیتی‌ده ایکنلر.
بیراق نقیب‌الله و یارمحمد کونگولده‌گی اِیستک‌لریگه یتیشه آلمه‌ی حیاتدن کوز یومدیلر و شونینگدیک عزت‌الله کسلخانه‌ده، اولیم و حیات آرسیده قرار تاپگن.
مذکور ییگیتلرنینگ قوشنی‌لریدن بیری ولی مرادی نینگ سلام وطندارگه ایتیشیچه، اوشبو ییگیتلر اورتاقلریدن بیری گه تلیفونی علاقه قوریش اوچون قیشلاقده‌گی تپه‌لردن بیری گه چیققن ایکنلر کیم مملکت هوایی کوچلری تامانیدن نشانگه آلینگن.
شو توغریده:
- فاریاب ولایتی نینگ 10 تومنی میمنهدن مدیریت قیلینه‌دی
جمهور رییس‌نینگ فاریابلیک‌لرگه بېرگن وعده‌لری عمل‌گه آشه‌دیمی؟
جناب مرادی گه کوره، هوایی کوچلر اولرنینگ دولت گه قرشی قوراللی کیشیلر تصوری بیلن نشانگه آلگنلر.
جناب مرادی نینگ کوپه‌یتیریشیچه، اوشبو اوق آتیشلر نتیجه‌سیده، نقیب‌الله و یار محمد هلاک و شونینگدیک عزت‌الله یره‌لنگن.
فاریاب ولایتی پشتونکوت تومنی ولسوالی میرویس پارسانینگ سلام وطندارگه ایتیشیچه، اوشبو ییگیتلر اوچووچی‌سیز اوچاقلر آرقلی نشانگه آلینگن.
بو توغریده امنیتی منبع‌لرنینگ فکرینی آلیش اوچون حرکت قیلدیک، بیراق کوپینچه سعی و حرکتلر بیلن موفق بولمه‌دیک.
هلاک ایتیلگن ییگیتلرنینگ عایله اعضالری گه کوره، نقیب‌الله دن 5 باله و یارمحمددن 2 باله قالگن و مذکور عایله‌لر یمان اقتصادی وضعیت و بی سرپرستلیککه حیات کیچیرماقده.
