د فاریاب د امنیې قومانداني ویاند عبدالکریم یورش وايي، افغان ځواکونه د طالبانو هغه درې غړي وژلي چې وړمه شپه یې د دغه ولایت په اندخوی ولسوالي کې د یوې کورنۍ ۶ غړي وژلي وو.
یورش زیاتوي، د طالبانو دغه غړي بېګاه شپه د امنیتي ځواکونو په عملیاتو کې وژل شوي او په وینا یې، د یادې ډلې ۴ نور غړي ټپیان شوي هم دي.
د فاریاب د اندخوی ولسوالي محلي مسوولانو پرون ویلي وو چې د بیدار په نوم د طالبانو د یوې ډلګۍ مشر له خپلو وسلهوالو سره د دغې ولسوالي په خانقا سیمه کې یوه کور ته دننه او د کورنۍ غړي یې ووژل.
د دوی په وینا، په پېښه کې د یوه څلوېښت ورځني ماشوم په ګډون د یوې کورنۍ ۶ غړي ووژل شول او دوه نور ټپیان شول.
خو د طالب ډلې یوه ویاند قاري یوسف احمدي رسنیو ته په یوه لېږلي پیغام کې د دې ډلې د غړیو له لوري د یادو کسانو د وژلو خبر رد کړی دی.
اړوند مطالب:
فاریاب کې طالبانو د يوه نوي زېږېدلي ماشوم په ګډون د یوې کورنۍ ۶ غړي وژلي
