فاریاب ولایتی نینگ پشتونکوت تومنیده جای‌لشگن درۀآغزی توغانی نینگ قوروقچی‌لریدن 7 ته‌سی طالبان تامانیدن اویوشتیریلگن هجوم نتیجه‌سیده، هلاک ایتیلگن.
فاریاب پولیس قومندانلیگی سوزلاوچیسی عبدالکریم یورش نینگ بوخبرنی تصدیق‌لب ایتیشیچه، طالبان جنگریلری اوتگن کیچه گروهی شکلده درۀآغزی توغانی نینگ امنیتی پوسته‌لری اوستیگه هجوم قیلگن‌لر.
اونینگ ایتیشیچه، اوشبو هجوم‌ده درۀآغزی توغانی نینگ قوروقچی‌لریدن 7 ته‌سی هلاک ایتیلیب و باشقه 4 ته‌سی یره‌لنگن دیر.
جناب یورش گه کوره، امنیتی کوچلر و طالبان آره‌سیده یوز بیرگن آتیشمه نتیجه‌سیده، طالبان جنگریلریدن کمیده 10 ته‌سی هلاک ایتیلگن.
طالبان گروهی حاضرگه‌قدر توغریده فکر بیلدیرمه‌گن.
