غور محلی مسووللریدن بیرقطاری نینگ ایتیشیچه، غور-کابل قتناو یولی طالبان نظارتی‌گه اوتگن و اوشبو گروه جنگریلری مذکور یول‌نی ماین جایلشتیریش بیلن ترافیک یوزی‌گه باغله‌گن.
غور ولایتی کینگش اعضاسی محمد مهدوی نینگ ایتیشیچه، غور-کابل قتناو نینگ باغله‌نیشی اوشبو یولدن اوتیب قیته‌دیگن کیشی‌لرنی قیین‌چیلیک بیلن روپه‌ره قیلگن.
عین‌حالده، دولت‌یار تومنی ولسوالی محمد موسا کلیم نینگ ایتیشیچهَ، قتناو یول‌لرنی طالبان نظارتی‌گه بولگنی سبب، اوشبو یولدن اوته‌دیگن یولاوچی‌لری کوپینچه یول یوری گنیدن سونگ، اوشبو ولایت مرکزی فیروزکوه شهریگه باره‌دیلر.
جناب کلیم نینگ ایتیشیچه، طالبان گروهی قتناو یول نینگ قطار بولیم‌لریده ماین جایلشتیرگن.
غور-کابل قتناو یولیده بند قالگن یولاوچی‌لردن بیرقطاری نینگ ایتیش‌لریچه، ایکی کوندن بویان امنیتی کوچلر و طالبان جنگریلری آره‌سیده اوروش بولگنی باعث، فیروزکوه شهریگه باره آلمه‌یدیلر.
بیراق، غور حاکمی سوزلاوچیسی محمد عارف عابر نینگ ایتیشیچه، امنیتی کوچلر بیر عملیات آرقه‌لی غور-کابل قتناو یولی کنترلی‌نی قوللریگه آلگن.
غور حاکمی نینگ سوزلاوچیسی‌گه کوره، آتیشمه‌لر عاقبتیده، امنیتی کوچلردن بیرته‌سی و طالبان جنگریلریدن 6 ته‌سی هلاک و باشقه 5 دولتی حربی و 4 طالب یره‌لنگن.
غور ولایتی کینگش اعضاسی نینگ ایتیشیچه، قطر ده افغانستان‌لیکلر ارا سوزلشوولر دوام قیلگن بیرحالده، طالبان گروهی هجوم‌لرینی کوپه‌یتیرگن.
