غور ولایتی‌نینگ خبرچیلری و میدیالری یالغیز ترورچی گروهلر و امنیتی تهدیدلرگه روپه‌ره ایمس دیر، گرچند بو اولر اوچون کته قیین‌چیلیک بوله آله‌دی؛ بیراق بودجه و آیلیک یوقلیگی مذکور ولایتده میدیا ایشلاوچی‌لری اوچون جدی قیین‌چیلیک سنله‌دی.
بو توغریده سلام‌وطندارگه صحبت بیرگن سرحد رادیوسینینگ خبرچیسی منصور خسرو و فیروز کوه رادیوسینینگ خبرچیسی عبدالسمیع نژادنینگ ایتیشچه، اولر سوز ایرکین‌لیگی‌گه حرمت قیلیب و اونینگ یوکسه‌لیشی اوچون حرکت قیله‌دیلر، بیراق حکومت اولرگه یاردم بیرمه‌گن صورتده، دوام ایتیب کیله‌یاتگن وضعیت، خذمت و فعالیت کوچی‌نی آله‌دی. چونکه اولر آی‌لر و حتا نیچه ییل دوامیده آیلیک آلمه‌گن.
باشقه بیرتاماندن، میدیا مسؤوللری خبرچی‌لر و ایشلاوچیلری‌نینگ سوزی‌گه تَن بیره‌دی.
فیروزکوه رادیو مسؤولی نوراحمد حبیبی‌نینگ ایتیشیچه، بو رادیو‌نینگ حاضرگه‌قدر 11 ایشلاوچیسی بار، بیراق اولرنینگ هیچ بیریگه آیلیک توللمه‌گن؛ چونکه بودجه یوق و حکومت هم اولرگه هیچ قنده‌ی یاردم بیرمه‌یدی. حبیبی جنابلریگه کوره، غور ولایتیده میدیالرنینگ فعالیتی توخته‌لیشی ممکن.
عین حالده، غورنینگ مدنیت و خبرلر ریاستی باشلیغی فخرالدین آریاپور، مذکور ولایتده‌گی میدیالرنینگ اقتصادی وضعیتی یمانلیگی‌نی تَن آله‌دی؛ بیراق اولرنینگ خبر ییتکزیش و سوز ایرکین‌لیگی اوچون قیله‌دیگن حرکت‌لرینی تقدیرگه سزاوار دیدی.
حاضرگه قدر غور ولایتیده 4 خصوصی رادیو و بیر دولتی رادیو فعالیت قیله‌دی.
