.jpg)
اون کون آلدین (5- عقرب) کمیده 30 تینچ اهالی قو اوستیدن چیققن جنجل‌نینگ قربانی بولگن ایدی. اوشبو واقعه سبب، اوتگن کون (جمعه) جمهور رییس بیر هیأت بیلن غورگه سفر قیلدی. بیراق جمهور رییس، هلاک ایتیلگن‌لرنی عایله اعضالری‌نینگ احوالی‌نی سوره‌ب یورگن بیرچاغده، مذکور گروه جنگری‌لری، باشقه 8 کیشی‌نی گروگه آلگن.
غور حاکمی سوزلاوچیسی عبدالحی خطیبی‌نینگ سلام‌وطندارگه ایتیشیچه، داعش جنگری‌لری رحمت‌الله ناملی کیشی‌نینگ رهبرلیگی‌ده، مذکور 8 کیشی شهر شمالی‌دن مرکزگه کیله‌یاتگن چاغیده، اوزلری بیلن آلیب کیتگن.
.jpg)
جناب خطیبی‌نینگ کوپه‌یتیریشیچه، اوشبو 8 کیشی‌دن بیری قاچیش‌گه مؤفق بولگن و باشقه بیری قتیق کلتک‌لنگنی باعث، یره‌لنگن. خطیبی‌گه کوره، داعش جنگری‌لری، 500 قوی‌نی هم اوغیرلگن.
غور حاکمی سوزلاوچیسی‌نینگ ایتیشیچه، اوغیرلنگن یولاوچی‌لرنی قوییب یوباریش اوچون سعی و حرکت‌لر باشلنگن.
اون کون آلدین، مذکور ولایت‌ده 30 تینچ اهالی، داعش جنگری‌لری تامانیدن اولدیریلگنی، جدی قرشی‌لیک‌لرگه روپه‌ره بولدی.
مذکور کیشی‌لرنینگ جسدلری، توپلم شکلده غور مرکزی کاسی منطقه‌سی عمومی خیابان چیککه‌سیده توپراققه تاپشیریلدی.
اولدیریلگن‌لرنینگ عایله اعضالری، جسدلرنی عمومی یول چیککه‌سیده توپراققه تاپشیرگن‌لریدن مقصد، دولت رسمی‌لریگه پیام بیریش دیگن‌لر.
