غور یشاوچیلریدن بیرقطاری‌نینگ سلام‌وطندارگه ایتیشیچه، فیروزکوه شهردارلیگی‌نینگ دقت‌سیزلیگی سبب، مذکور ولایت‌نینگ قصاب‌لری کوچه‌لر و چاروادارلردن آز پول گه کسل و اولیک حیوانلرنی ساتیب آلیب و اولرنینگ گوشتی‌نی اهالی گه ساته‌دیلر.
غور یشاوچیلری‌نینگ ایتیشیچه، بو موضوع نی نیچه مرته محلی مسؤوللر و فیروزکوه شهردارلیگی بیلن شریک قیلگن‌لر؛ بیراق حاضرگه‌قدر بو موضوع گه دقت قیلینمه‌گن.
غور ولایتی‌نینگ ساغلیق‌نی سقلش ریاستی‌نی سرپرستی عبدالطیف رحیمی‌نینگ ایتیشیچه، کسل حیوانلرنینگ گوشتی کانگو و بروسلوز کسل‌لیگی گه سبب بوله‌دی.
بیراق، فیروزکوه شهردارلیگی‌نینگ تازه‌لیک بولیمی مدیری شاه‌محمود شهاب نینگ ایتیشیچه، کونده تورلی ریاست‌لردن تشکیل ایتیلگن هیأت شهر قصاب‌لرینی نظارت قیله‌دی و کسل حیوانلرنینگ گوشتی‌نی ساتیش خصوصیده، هیچ بیر قصاب گه رخصت بیریلمه‌دی.
غور چاروادارلری‌نینگ ایتیشیچه، قوروقچیلیک و اوت یوقلیگی باعث، اولرنینگ چاروالری تورلی کسل‌لیک‌لرگه چالینگن. اولر بو توغریده غور محلی حکومتی‌نینگ دقت‌سیزلیگی‌دن تنقید قیله‌دیلر.
