غور ولایتینینگ چهارسدۀ تومنی یشاوچیلریدن اونلرچهسی اوشبو ولایت مرکزی فیروزکوه شهریگه بدرغه بولگنلر. اولرنینگ ایتیشیچه، بیر آیدن بویان چهارسده تومنی طالبلرنینگ قمراویده دیر؛ بیراق محلی و مرکزی مسووللر قمراونی سیندیریش اوچون سعی و حرکت قیلمهیدی.
اولرنینگ ایتیشیچه، دولت طالبلرنینگ قمراوینی سیندیریش گه قادر بولمهگن صورتده؛ تومن یشاوچیلرینی مرکزگه انتقال بیریب تومن‌نی طالب‌لرگه تاپشیرسین.
غور ولایتینینگ مدنی فعاللری چهارسده تومنینینگ امنیتی وضعیتیدن خواطر بیلدیرهدیلر. مذکور ولایت مدنی فعاللریدن محمدگل پویا و غلامرسول سعادتنینگ ایتیشیچه، تیزلیککه حربی عملیات یولگه قوییلمهگن صورتده، بو تومن طالبلرنینگ نظارتیگه اوتیشی ممکن.
غور حاکمینینگ سوزلاوچیسی عبدالحی خطیبینینگ ایتیشیچه، چهارسدۀ تومنینینگ قمراوگه آلینگنی توغریسیده، جمهورلیک ریاستیگه معلومات بیرگنلر و جمهور رئیس هم عملیات یولگه قوییلیشی اوچون ایچکی ایشلر و مدافعه وزیرلیک‌لریگه بویروغ بیرگن.
غور محلی مسووللریگه کوره، طالبان جنگرهلری فاریاب، سرپل، بادغیس و غور ولایت‌لریدن چهارسده تومنی گه کیلیب و بو تومن‌نی اوز لریگه مرکز توزه‌تگن.
