بوگون «سه‌شنبه» کابل‌ده کانلر و پترولیم وزیرلیگی سرپرستی نرگس نهان، هرات ولایتی‌نینگ غوریان تومنی توز کانی قازیب چیقاریلیشی اوچون خصوصی بیر شرکت بیلن شرطنامه امضاءله‌دی.
خانم نهان گه کوره، اوشبو کان قازیب چیقاریلگنده 2 مینگ‌دن آرتیق کیشی ایش بیلن تأمین‌لنه‌دی و کانلر و پترولیم وزیرلیگی، هر ییل اوشبو کاندن 26 میلیون افغانی‌دن آرتیق پول درامد قولگه کیریته‌دی.
شرطنامه امضاءلگن شرکت اعضاسی بصیراحمدنینگ ایتیشیچه، کانلر قانونی اساسیده، توز کانی‌نی قازیب چیقاریش ایشی باشلنگن و بیرگن سوزلرینی بوتونله‌ی عمل‌گه آشیره‌دی.
کانلر و پترولیم وزیرلیگی سرپرستی‌نینگ ایتیشیچه، مذکور شرطنامه اساسیده، غوریان توز کانی‌ده قراردادی شرکت آرقه‌لی 400 مینگ دالردن آرتیق سرمایه یاتقیزیلگن و باشقه اجتماعی خذمت‌لر اوچون 70 مینگ دالردن آرتیق پول اجره‌تیلیشی ممکن.
