غور امنیتی رسمی‌لری‌نینگ ایتیشیچه، اوشبو ولایت‌نینگ شهرک تومنی مرغه قیشلاغی‌ده ایکی محلی قومندان آره‌سیده یوز بیرگن آتیشمه‌ده 3 کیشی هلاک و باشقه 2 کیشی یره‌لنگن.
سلام‌وطندار بیلن صحبت اوتکزگن غور پولیس قومندانلیگی وقتینچه‌لیک باشلیغی ضیاالدین ثاقب‌نینگ ایتیشیچه، ملا مصطفی و محسن آتلی ایکی ناقانونی قوراللی قومندان آره‌سیده یوز بیرگن آتیشمه قومی قره‌مه قرشی‌لیک‌لر سبب باشلگن و حاضرگچه دوام ایتماقده. اونینگ ایتیشیچه، اوشبو آتیشمه‌لر نتیجه‌سیده، قومندان محسن‌نینگ جنگری‌لریدن 3 کیشی هلاک ایتیلگن و باشقه 2 ته‌سی یره‌لنتیریلگن.
غور پولیس قومندانلیگی وقتینچه‌لیک باشلیغی‌نینگ کوپه‌یتیریشیچه، اولر، مذکور ایکی قومندان آره‌سیده یوز بیرگن اوروش‌گه نقطه قوییش اوچون سعی و حرکت قیله‌دیلر.
قومندان ملا مصطفی و قومندان محسن اوزاق مدت‌دن بویان نامعلوم دلیل‌لر سبب اوروشه‌دیلر و اوتگن ییل اوشبو ایکی قومندان آره‌سیده یوز بیرگن آتیشمه‌ده 8 کیشی هلاک ایتیلیب و یره‌لنگن ایدی.
شونینگ‌دیک، غور محلی رسمی‌لری، حاضرگچه اوشبو ایکی قومندان آره‌سیده‌گی قره‌مه قرشی‌لیک‌لرنی حل ایته آلمه‌گن.
