غور ولایتی کینگش اعضالری و دولتی اداره‌لر مسووللریدن بیرقطاری‌نینگ ایتیشیچه، اوشبو ولایت مستوفیتی‌ده ایش‌سیزلیک و مدیریت سیزلیک باعث، عادی بودجه‌دن بیر بولیمی صرفلنمه‌گن.
غور ولایتی کینگش باشلیغی فضل‌الحق احسان نینگ سلام‌وطندارگه ایتیشیچه، قولیگه بولگن حجت‌لرگه کوره، مذکور ولایت عادی بودجه‌سیدن 140 میلیون افغانی‌سی صرفلنمه‌گن.
جناب احسان نینگ ایتیشیچه، غور ولایتی کبی محروم قالگن ولایتده بودجه‌نینگ صرفلنمه‌گنی کته جفا دیر.
عین‌حالده، غور معارف ریاستی‌نی سرپرستی فضل‌الحق نجات‌نینگ ادعا قیلیشیچه، بو اداره بودجه‌سیدن 54 میلیون افغانی‌سی مستوفیتده بولگن دقت‌سیزلیک و ایش‌سیزلیگی باعث، اجرا ایتیلمه‌گن.
بیراق غور مستوفیت ادارهسی باشلیغی محمدطاهر مومند نینگ ولایتی کینگش باشلیغی و دولتی اداره‌لر مسووللری‌نینگ ادعالرینی رد قیلیب ایتیشیچه، یالغیز 15 قوس‌دن سونگ کیلتیریلگن احواله‌لر اجرا ایتیلمه‌گن.
مستوفیت ادارهسی تامانیدن بیریلگن ارقام‌لرگه کوره، بو ولایت‌نینگ عادی بویجه‌سی 2 میلیارد و 91 میلیون افغانی ایکن و بو جمله‌دن 1 ملیارد 984 میلیون افغانی‌سی صرفلنگن.
غور دولتی مسووللری و ولایتی کینگش اعضالریگه کوره، بودجه‌نینگ صرفلنمه‌یشی مرکزی حکومت‌نینگ اوشبو ولایت‌گه قرشی دقت سیزلیگی‌نی کوپه‌یتیره‌دی.
