سلام‌وطندارگه صحبت بیرگن غور ولایتی‌نینگ دولت‌یار تومنی‌نی سمک قیشلاغی یشاوچیلریدن بیرقطاری‌نینگ ایتیشیچه، قوراللی طالب‌لر مذکور تومن‌نی نظارت‌گه آلگنیدن سونگ، میوه‌لی درخت‌لرنی کیسیب و دولت‌گه طرفدار کیشی‌لرنینگ اویلرینی بوزیش‌گه باشله‌گن.
مذکور تومن یشاوچیلریگه کوره، قوراللی طالب‌لر اهالی‌نی پول بیریش، یاقیلغی ماده ساتیش و عُشر و زکات توپلش‌گه مجبورلگن.
اولرنینگ ایتیشیچه، طالب‌لر اهالی‌نینگ بوغدای محصولی و باشقه محصولاتی‌نی خمس آتی گه آله‌دی.
عین حالده، سمک قیشلاغی اهالیسی‌نینگ بیاناتی‌نی تصدیقلگن غور ولایت کینگشی اعضاسی عبدالحمید ناطقی‌نینگ ایتیشیچه، هوا ساووقلیگی و قار یاغیش باعث، امنیتی کوچلر سمک قیشلاغیده حربی عملیات یولگه قویه آلمه‌گنیدن سونگ، طالب‌لر اهالی‌نینگ اوستیگه کوپراق فشار کیریتگن.
شو توغریده…
- کنر؛ اورمانلرنینگ کیسیلیشی‌گه محلی رسمی‌لرنینگ قولی بار
افغانستان جلغوزه درخت‌لرینی پاکستان کیسیب کیتماقده
بدخشانده بومی درخت‌لر نابودلیک خطری‌گه روپه‌ره بولگن
افغانستان میوه‌لی درخت‌لرینی خزینه‌سی اورته آسیاده تینگ‌سیز دیر
اونگه کوره، قوراللی طالب‌لر اهالی‌دن قورال طلب قیلیب و اوستی‌لریگه فشار کیلتیره‌دی و شونینگدیک، مذکور گروه‌نینگ کونده‌لیک خرجتی‌نی تأمین‌لش‌لرینی ایسته‌یدی و بو موضوع اهالی‌نی کوپینچه قیین‌چیلیک‌که روپه‌ره قیلگن.
عین حالده، غور ولایتی‌نینگ پولیس قومندانی شاه‌آغا شتاب، طالب‌لر آرقه‌لی میوه‌لی درخت‌لر کیسیلگنی و اویلر بوزیلگنیدن خبرسیزلیک بیلدیریب ایتیشیچه، قار یاغیش و قتناو یوللر باغلنگنی باعث، دولت‌یار تومنی‌نینگ سمک قیشلاغیده طالب‌لرگه قرشی حربی عملیات یولگه قویه‌آلمه‌گن‌لر.
سمک قیشلاغی دولت‌یار تومنی‌نینگ مرکزیدن کمیده 15 کیلومتر اوزاقده بولگن و بو تومن یشاوچیلری و غور ولایتی کینگش اعضالری گه کوره، سمک قیشلاغیده قوراللی طالب‌لر کینگ شکلده فعالیت قیله‌دیلر.
