.jpg)
غور ولایتی کینگش اعضالریدن قطاری نینگ ایتیشیچه، طالبان گروهی بو ولایتده امنیتی کوچلرنینگ بیر پوسته‌سی اوستیگه هجوم قیلگن کیم نتیجه‌ده، امنیتی کوچلردن بیری هلاک و باشقه 11 ته‌سی درک‌سیز یوقالگن.
شونینگدیک غور ولایتی کینگش اعضاسی عبدالحمد ناطقی بو خبرنی تصدیق‌لب سلام‌وطندارگه ایتیشیچه، اوتگن کیچه طالبان گروهی غور – هرات قتناو یولیده جایلشگن «پشته‌گزگ» پوسته‌سی اوستیگه هجوم قیلیشگن.
اونگه کوره، مذکور هجوم نتیجه‌سیده امنیتی کوچلردن بیری هلاک و باشقه بیری ایسه تن جراحتی کوتارگن و شونینگدیک مذکور پوسته‌ده‌گی 11 حربی درک‌سیز یوقالگن.
جناب ناطقی نینگ کوپه‌یتیریشیچه، طالبان گروهی بو پوسته گه موجود برچه حربی جهازلرنی اوزلری بیلن آلیب کیتگن.
غور محلی و امنیتی مسئوللری حاضرگچه بو حقده فکر بیلدیرمه‌گن.
شونینگدیک طالبان گروهی هم حاضرگچه بو توغریده هیچ بیر نرسه دیمه‌گن.
