مملکت جمهور رئیسی محمداشرف غنی افغانستان تینچلیگی بوییچه آمریکا خاص نماینده‌سی زلمی خلیلزاد بیلن اوچره‌شگن.
جمهورلیک ریاستی بیر خبرنامه ترقه‌تیب یازیشیچه، اوتگن کون کیچ قورون ارگ ده صحبت اوتکزگن جناب غنی و جناب خلیلزاد، افغانلر ارا سوزلشوولر اوستیگه اورغوله‌گن و اوشبو ایش نی کیله‌جکده افغانستان حکومتی و طالبلر آره‌سیده یوزمه‌یوز سوزلشوولر اوچون اونملی دیگنلر.
جناب خلیلزاد اوشبو اوچره‌شووگه تینچلیک توغریسیده کیله‌جک برنامه‌لری و سفرلری توغریسیده معلومات بیرگن.
باشقه بیر تاماندن بوگون ایرته‌لب جناب خلیلزاد تشقی ایشلر وزیرلیگی سرپرستی صلاح‌الدین ربانی حضوری بیلن ملی بیرلیک حکومت اجرایی باشلیغی عبدالله عبدالله بیلن سپیدار سرایی گه صحبت اوتکزگن.
اجرایی ریاستی نینگ خبرنامه‌سیگه کیلیشیچه، اجرایی باشلیغی جناب خلیلزاد بیلن اوتکزگن سوزلشوویگه تینچلیک پروسه‌سیگه حکومت و اهالی نینگ همکارلیگی توغریسیده ایشانچ بیرگن.
شونینگدیک جناب عبدالله نینگ ایتیشیچه، حکومت عدالتلی و دواملی تینچلیک توغریسیده بوله‌دیگن حرکتلردن حمایت قیله‌دی و شونینگدیک اروپا بیرلشیگی، چین و روسیه حضوری بیلن دنیا کیلیشوو نینگ حمایتیدن قدردانلیک بیلدیرگن.
مذکور اوچره‌شووگه ایکی تامان افغانلر ارا سوزلشوولر، تینچلیک توغریسیده دنیا و منطقوی کیلیشوو و ترورچیلیککه قرشی کوره‌ش اوستیگه اورغوله‌گن.
